Suvendu Adhikari: شھبندو کی ٹی ایم سی کے خلاف لفٹ جماعتوں سے مدد کی اپیل

مغربی بنگال میں اگلے ماہ دسمبر میں ہونے والے ممکنہ میونسپلٹیوں اور کارپوریشن کے انتخابات کے مدنظر سیاسی سرگرمیاں عروج پر پہنچ چکی ہیں۔

حکمراں جماعت ترنمول کانگریس سمیت تمام اپوزیشن جماعتیں بلدیاتی انتخابات میں اپنی برتری ثابت کرنے کے لیے اتحادی جماعت کی تلاش شروع کر دی ہے۔

اسی درمیان نندی گرام سے بی جے پی کے رکن اسمبلی اور حزب اختلاف کے رہنما شھبندو ادھیکاری(Suvendu Adhikari) نے لفٹ جماعتوں سے ترنمول کانگریس کو اکھاڑ پھینکنے کے لیے حمایت کا مطالبہ کیا۔

شھبندو نے ٹی ایم سی کے خلاف لفٹ جماعتوں سے مدد کی اپیل کی

مدنی ہور ضلع کے کجوری میں آج سے تقریباً گیارہ برس قبل ممتابنرجی کے آشیرواد سے سی پی آئی ایم کو اکھاڑ پھینکنے کا عہد کیا تھا۔ اس میں انہیں کامیابی بھی ملی تھی۔ ٹھیک گیارہ برس بعد کجوری کی سرزمین پر کھڑے ہو کر شھبندو ادھیکاری نے اپنی سابقہ پارٹی ترنمول کانگریس کو اکھاڑ پھینکنے کے لیے لفٹ فرنٹ کی حلیف جماعتوں سے مدد کی اپیل کی ہے۔

شھبندو ادھیکاری کا کہنا ہے کہ اس ماضی کی غلطیوں سے سبق مل چکا ہے۔ اسے سدھارنے کا وقت آگیا ہے۔ ترنمول کانگریس کے بیشتر رہنما بدعنوانی میں ملوث ہیں اور لوگوں کو بھی اس بات کا علم ہے۔'

انہوں نے کہاکہ ایک دن آئے گا جب بنگال کے لوگ ترنمول کانگریس کو اقتدار سے بے دخل کر دیں گے۔ اس ہم سبھوں کو ایک پلیٹ فارم پر آنے کی ضرورت ہو گی۔

حزب اختلاف کے رہنما شھبندو ادھیکاری کا کہنا ہے کہ ممتابنرجی چیخ چیخ کر کہہ رہیں ہیں کہ ترپورہ میں جمہوریت کو خطرہ لائق ہے تو کیا بنگال میں جمہوریت پھل پھول رہا ہے۔'

انہوں نے کہاکہ بنگال میں سب سے زیادہ جمہوریت کو خطرہ ہے۔ یہاں تو حزب اختلاف کے رہنماؤں کو بولنے تک کا کوئی حق نہیں ہے۔ عام آدمی خاموش ہے۔'