کولکاتا: مغربی بنگال کے ادارلحکومت کولکاتا میں واقع کلکتہ ہائی کورٹ میں سی بی آئی کے وکیل کی طرف سے تجویز کردہ تین نام سدھانشو کھرے، مائیکل راج اور اشون سنگھوی ہیں۔ ان تینوں میں سدھانشو کولکاتا میں کام کر رہے ہیں۔ مائیکل رانچی میں کام کرتا ہے۔ سنگھوی چندی گڑھ میں کام کر رہے ہیں۔ ان تینوں ناموں پر بحث کے دوران جسٹس گنگوپادھیائے نے سی بی آئی کے وکیل سے پوچھا کہ معلوم کریں کہ پنکج سریواستو کہاں ہیں؟ سی بی آئی کے مطابق وہ اب غازی آباد میں سی بی آئی کے تربیتی مرکز میں ہیں۔ وہ سی بی آئی کے جوائنٹ ڈائریکٹر، آئی جی رینک کے افسر ہیں۔ لیکن عدالت ڈی آئی جی رینک کے افسر کو سیٹ کی سربراہی چاہتی تھی۔ Ashwin Sanghvi Will Lead SIT Set Up For Teacher Recruitment Scam In West Bengal
جج نے سی بی آئی کے وکیل سے پوچھا کہ کیا پنکج سریواستو کو کلکتہ واپس لانا ممکن ہے؟ انہیں متعلقہ فریقوں سے اس معاملے پر بات کرنے کے لیے 15 منٹ کا وقت دیا گیا۔ 3.30پر دوبارہ سماعت شروع ہوئی۔ جب سی بی آئی نے اس معاملے میں منع کیا توتو جسٹس سنگھوی نے ان کے نام پر مہر لگا دی۔ ساتھ ہی انہوں نے کہا کہ نشست کے سربراہ کے طور پر وہ ایسے شخص کو چاہتے ہیں جو ریاست کے جغرافیہ سے واقف ہیں۔ جسٹس گنگوپادھیائے نے مزید کہاکہ میں نہیں چاہتا کہ بھرتی بدعنوانی کی انکوائری کا وہی نتیجہ نکلے جو شاردا انکوائری کا ہے۔
یہ بھی پڑھیں:West Bengal Job Seekers Protest اپر پرائمری امیدواروں نے اب سی پی آئی ایم کے تئیں ناراضگی ظاہر کی
کولکاتا ہائی کورٹ کے جسٹس ابھیجیت گنگوپادھیائے نے بدھ کو سی بی آئی کے سابق ڈی آئی جی اکھلیش سنگھ کو خصوصی تفتیشی ٹیم (ایس آئی ٹی) کی سربراہی کا حکم دیا۔ سی بی آئی نے جمعرات کو عدالت کو بتایا کہ اکھلیش کلکتہ نہیں آ سکتے۔ سی بی آئی کے وکیل نے عدالت کو بتایا کہ اکھلیش کو ترقی دی گئی ہے۔ انہیں دہلی سے آسام منتقل کر دیا گیا ہے۔ متعلقہ محکمے نے 15 نومبر کو ان کے تبادلے کی منظوری دی۔Ashwin Sanghvi Will Lead SIT Set Up For Teacher Recruitment Scam In West Bengal
