'ملک میں جنگ آزادی کا کردار ادا کر رہا ہے آج کا مسلمان'

ریاست اترپردیش کے ضلع سنبھل سماج وادی پارٹی کے رکن پارلیمان ڈاکٹر شفیق الرحمن برق نے اپنے بیان میں بی جے پی حکومت سے سوال پوچھا ہے کہ آج ہورے ملک میں احتجاج کے دوران مظاہرین ہی کیوں ہلاک ہو رہے ہیں؟
انہوں نے کہا کہ اس احتجاج کے دوران کوئی پولیس افسر یا سپاہی کیوں ہلاک نہیں ہوا؟

ڈاکٹر برق نے کہا کہ شہریت ترمیم قانون کی مخالفت میں صرف مسلمانوں نے اپنی جان گوائی ہے جس طرح سے جنگ آزادی میں مسمانوں نے اہم کرادر ادا کیا تھا اور اپنی جان کے نذرانے پیش کئے اسی طرح آج مسلمان ملک کے لیے جان کے نذرانے پیش کر رہا ہے۔

واضح رہے کہ ڈاکٹر شفیق الرحمن شہریت ترمیم قانون کے خلاف احتجاج کے دروان ہلاک ہوئے دو نوجوانوں کے اہل خانہ سے ملاقات کرنے انکے گھر پہنچے تھے۔