Public Opinion  in Lucknow West: لکھنؤ ویسٹ اسمبلی حلقہ میں عوام کا رجحان

author img

By

Published : Dec 4, 2021, 2:59 PM IST

لکھنؤ ویسٹ اسمبلی حلقہ میں عوام کا رجحان

اتر پردیش اسمبلی انتخابات 2022 UP Election 2022 کے پیش نظر سیاسی سرگرمیاں تیز ہوگئی ہیں۔ 2022 کے اوائل میں 403 اسمبلی نشستوں کے لیے انتخابات منعقد ہوں گے جس کے لیے تمام سیاسی پارٹیوں کی جانب سے تیاریوں کا آغاز ہو گیا ہے۔

لکھنؤ ضلع میں کل 9 اسمبلی نشستیں ہیں جس میں سے لکھنو ویسٹ Lucknow West اسمبلی نشست سے بی جے پی کے رکن اسمبلی تھے۔ 1989 سے 2012 تک اس نشست پر بی جے پی کا قبضہ رہا ہے۔ 2012 میں سماج وادی پارٹی کے ریحان نے 29 فیصد ووٹ حاصل کرکے اس حلقہ سے جیت حاصل کی تھی لیکن 2017 میں ریحان کو شکست ہوئی اور بے جے پی نے دوبارہ اس نشست پر قبضہ حاصل کرلیا۔ اس حلقہ اسمبلی میں زیادہ تر پرانے لکھنو کے علاقے شامل ہیں جبکہ 21 فیصد مسلم ووٹرز ہیں۔

لکھنؤ ویسٹ اسمبلی حلقہ میں عوام کا رجحان

ای ٹی وی بھارت نے لکھنو ویسٹ کے چوک علاقے میں مقامی لوگوں سے بات چیت کر رجحان Public Opinion in Lucknow West معلوم کرنے کی کوشش کی اور یہ جاننے کی کوشش کی کہ گذشتہ برسوں میں موجودہ حکومت نے ترقیاتی کاموں اور بنیادی سولیات کی فراہمی کے لیے کیا کیا۔

مقامی لوگوں نے بتایا کہ چوںکہ علاقے میں متعدد پریشانیوں کا سامنا ہے تاہم حکومت نے کچھ کام کئے ہیں۔ مثال کے طور پر سیوریج لائن کی صاف صفائی کی گئی لیکن آج بھی کئی کام کرنا باقی ہے۔ حکومت نے بارہا برقی کھمبوں اور تاروں سے متعلق مشکلات کو حل کرنے کا وعدہ کیا تھا تاہم آج تک یہوعدہ پورا نہیں کیا گیا۔

یہ بھی پڑھیں:

وارانسی: امت شاہ نے ’بوتھ جیتا تو الیکشن جیتا‘ کا منتر دیا

انہوں نے بتایا کہ علاقہ کی سڑکوں پر غیرقانونی قبضوں اور گاڑیوں کی نامناسب پارکنگ کی وجہ سے ٹریفک جام رہتا ہے جس سے عوام کو کافی مشکلات پیش آتی ہیں۔ اس جانب حکومت کی جانب سے کوئی توجہ نہیں دی گئی۔ ریاستی حکومت کی جانب سے اس علاقے میں کوئی نیا اسکول اور کمیونٹی ہیلتھ سینٹر قائم نہیں کیا گیا۔

وہیں، سڑکوں کی مرمت کا کام بھی ٹھیک سے نہیں ہوا ہے۔ چوک علاقے کے لوگ موجودہ حکومت کی کارکردگی سے خوش ہیں۔ ان کو لگتا ہے کہ مہنگائی ہر زمانے کا ایک اہم مسئلہ رہا ہے لیکن یہ مسئلہ بھی ختم ہوسکتا ہے۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.