اترپردیش کے ضلع مرادآباد کے امبیڈکر پارک میں آج ڈپلومہ انجینئر مہاسَنگھ نے یک روزہ احتجاج (Diploma Engineers Protest) کیا اور وزیر اعلیٰ یوگی آدتیہ ناتھ کے ناتھ کے نام ایس ڈی ایم کو ایک میمورنڈم سونپا۔
ڈپلومہ انجینئر ملازمیں نے میمورنڈم کے ذریعہ حکومت سے مطالبہ کیا کہ جونیئر انجینئر کے گریڈ تنخواہ کو 4200 کی جگہ 4800 کیا جائے اور اتر پردیش جل نگم میں سال 2017 میں جو تقرری جونیئر انجینیرس کی ختم کی گئی تھی اسے دوبارہ سے بحال کیا جائے۔
مزید پڑھیں:
ای ٹی وی بھارت کے نمائندہ سے بات کرتے ہوئے اترپردیش ڈپلومہ انجینئر مہا سنگھ کے صدر ونود کمار موریہ نے بتایا کہ لمبے وقت سے ہمارے مطالبات جاری ہیں، لیکن حکومت مسلسل نظرانداز کررہی ہے، ہم چاہتے ہیں کہ حکومت ہمارے مطالبہ پر غور و فکر کرے اور ہمارے جائز مطالبہ کو پورا کرے اگر ایسا نہیں ہوا تو آنے والے دنوں میں اتر پردیش کی دارلحکومت لکھنؤ میں ہم بڑا احتجاج کریں گے۔
