UP Polls 2022: 'حالات اقتدار کی منتقلی کے اشارے دے رہے ہیں'

author img

By

Published : Jan 3, 2022, 9:42 PM IST

اتر پردیش نوئیڈا کے دادری اسمبلی حلقہ Noidai Dadri Assembly Constituency سے سماج وادی پارٹی کے متوقع امیدوار فقیر چند ناگر نے دادری کے سن پورہ علاقے میں عوامی چوپال کا اہتمام کیا۔ اس دوران پورے علاقے کی گلیوں میں بی جے پی کے خلاف اور سماج وادی پارٹی کے حق میں نعرے کی گونج سنائی دی۔

اترپردیش اسمبلی انتخابات UP Polls 2022 کی تیاریاں عروج پر ہے، حالانکہ اسمبلی انتخابات کے لیے تاریخ کا اعلان نہیں ہوا تاہم ابھی سے تمام سیاسی جماعتیں ووٹرز کو راغب کرنے کے لیے ہر ہتھکنڈے اپناتے ہوئے نظر آرہے ہیں۔ اپوزیشن جماعتیں مہنگائی، بے روزگاری سمیت دیگر مسائل پر حکومت کو گھیڑ نے کی کوشش میں ہے۔

وہیں عوام بھی اشیائے خورد و نوش، بجلی اور پیٹرولیم مصنوعات کی مہنگائی کی وجہ سے عوام موجودہ حکومت سے کافی ناراض بھی ہیں جس کا فائدہ شاید اپوزیشن پارٹی اٹھانے کی کوشش میں ہے۔ اس معاملے میں سماج وادی پارٹی کو کافی عوامی حمایت بھی حاصل ہو رہی ہے۔

ویڈیو


اتر پردیش نوئیڈا کے دادری اسمبلی حلقہ سے سماج وادی پارٹی کے متوقع امیدوار فقیر چند ناگر نے دادری کے سن پورہ علاقے میں عوامی چوپال کا اہتمام کیا۔ اس دوران پورے علاقے کی گلیوں میں بی جے پی کے خلاف اور سماج وادی پارٹی کے حق میں نعرے کی گونج سنائی دی۔


عوام کا کہنا تھا کہ مرکزی اور ریاستی حکومت کی پالیسیوں کی وجہ سے لاکھوں افراد بےروز ہو گئے۔ دو وقت کی روٹی کا انتظام کرنے میں لوگوں کے پسینے چھوٹ رہے ہیں اور ایسے میں مہنگائی نے غریب عوام کی کمر توڑ کر رکھی دی ہے۔

اس موقع پر فقیر چند ناگر نے کہاکہ یہ تصویر اقتدار منتقلی کے اشارے دے رہی ہے۔ سماج وادی پارٹی کی حکومت آنے پر بے روزگاری کے مسئلے کو ترجیحی بنیادوں پر حل کیا جائے گا اور مہنگائی پر قابو پانے اور عوام کو ہر ممکن راحت دینے کی کوشش کی جائے گی۔ موجودہ حکومت مہنگائی کے ساتھ ساتھ عوام کو آپس میں لڑانے اور باٹنے کا کام کر رہی ہے تاکہ اس سے کوئی روزگار اور مہنگائی اور تعلیم پر سوال نہ پوچھے۔'

مزید پڑھیں:

TAGGED:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.