حیدرآباد کے شمس آباد علاقہ میں واقع مسجد خواجہ محمود کی شہادت کے خلاف رنگاريڈی ضلع کلکٹریٹ پر دھرنا دیتے ہوئے مجلس اتحاد السملین کے رکن اسمبلی کوثر محی الدین اور مجلس کے دیگر رہنما گرفتار ہوئے۔ رکن اسمبلی کوثر محی الدین اور راجندر نگر اسمبلی حلقہ کے انچارج مرزا رحمت بیگ، نالہ نگر کارپورٹر محمد نصیر الدین نے پارٹی کیڈر کے ساتھ گرین ایونیو کالونی شمش آباد میں مسجد خواجہ محمود کی غیر قانونی مسماری کے خلاف رنگاریڈی کلکٹر آفس کے سامنے شام 7 بجے زبردست احتجاجی مظاہرہ کیا۔
مزید پڑھیں:Khawaja Mahmood Mosque Demolished: مسجد خواجہ محمود کی شہادت حکومت کا جرم عظیم۔ مسلم پرسنل لا بورڈ
کاروان کے رکن اسمبلی کوثر محی الدین اور رحمت بیگ اور محمد نصیر الدین کو حیدرآباد سٹی پولیس نے رنگا ریڈی ڈسٹرکٹ کلکٹریٹ میں احتجاج کرنے پر گرفتار کرلیا۔ جس پر خریت آباد علاقے میں کچھ دیر تک کشیدگی پھیل گئی، احتجاجیوں کو پولیس نے چیکڑپلی پولیس اسٹیشن منتقل کردیا تھا، بعد ازاں پولیس نے احتجاجیوں کو رہا کردیا۔
