اورنگ آباد: مرزا عبدالقیوم ندوی ان دنوں عمرہ کے لیے گئے ہیں جیسے ہی یہ خبر اورنگ آباد جدّہ ایسوسی ایشن کو پتہ چلی ایسوسی ایشن نے ایک باوقار تقریب کا انعقاد کیا جس میں اورنگ آباد سے تعلق رکھنے والوں نے مرزا عبدالقیوم ندوی کو اُردو کے فروغ اور انتھک محنت کی قدر کرتے ہوئے انہیں شان اورنگ آباد ایوارڈ سے نوازا۔ اورنگ آباد میں بچوں کے لیے محلہ محلہ لائبریری شروع کی گئی ہے، اس سے اورنگ آباد کے عوام نے بھرپور استفادہ کیا۔ اورنگ آباد ایسوسی ایشن جدہ کی جانب سے مرزا عبدالقیوم ندوی کی مکہ مکرمہ آمد پر ان کے اعزاز میں ایک تقریب کا اہتمام کیا گیا تھا۔ اس تقریب میں اردو زبان و ادب کے فروغ اور معاشرے میں کتب بینی و مطالعہ کا ذوق و شوق بیدار کرنے میں ان کی خدمات کے لیے اورنگ آباد ایسوسی ایشن جدہ کے شان اورنگ آباد ایوارڈ سے نوازا گیا۔ اس پروگرام کی استقبالیہ تقریب کی صدارت سراج وہاب نے فرمائی، صابر علی نے ابتدائی کلمات میں ایسوسی ایشن کے تعارف، اغراض و مقاصد اور نو منتخب صدر کے انتخاب کا اعلان کرتے ہوئے مرزا عبدالقیوم ندوی کی عمرہ آمد پر تقریب کے اہتمام کے بارے میں تفصیل سے بتایا۔ تقریب کے صدر سنئیر صحافی سراج وہاب نے کہا کہ مرزا ندوی نے اردو زبان و ادب، مطالعہ کا شوق اور محلہ لائبریریوں کے ذریعے پوری دنیا میں اورنگ آباد کا نام روشن کیا۔

انہوں نے یہ بھی کہا کہ میں انہیں گزشتہ دو دہائیوں سے جانتا ہوں وہ جو بھی کام کرتے ہیں جنون و دیوانگی کی حد تک کرتے ہیں۔ اردو ان کے ساتھ علاقائی زبان مراٹھی، سماجی و معاشرتی مسائل اور سماج میں کتابوں کے تئیں دلچسپی و بیداری کرنا ایسے بہت سارے کام میں جن کی فہرست بہت طویل ہے۔ میں ایسوسی ایشن کے ذمہ داران کا شکریہ ادا کرتا ہوں کہ انہوں نے مرزا ندوی کے کام و کارناموں کے مطابق انہیں اورنگ آباد کا شان ایوارڈ دیا ہے جس کے وہ بلاشبہ مستحق ہیں۔ مرزا عبد القیوم ندوی نے جدہ میں مقیم تمام اور نگ آبادیوں کا شکریہ ادا کرتے ہوئے ان کی بیٹی مریم مرزا کی تحریک محلہ محلہ لائبریری کا تعارف کراتے ہوئے کہا کہ دیڑھ سال کے عرصے میں کس طرح اس نے ریڈ اینڈ لیڈ فاؤنڈیشن کے زیر اہتمام شہر میں 32 لائبریریاں قائم کی انہوں نے یہ بھی کہا کہ وہ چاہتے ہیں کہ جس طرح اورنگ آباد میں محلہ لائبریری شروع ہوئی ہے اسی طرح جدہ بلکہ پورے سعودی عرب میں یہ ہونا چاہیے۔

اس تقریب میں اورنگ آباد کے مشہور و معروف شاعر خان شمیم کی نظم جو انہوں مرزا عبدالقیوم ندوی پر لکھی تھی پڑھ کر سنائی اور اسی موقع پر ایسوسی ایشن کے نئے صدر سید منصور انجینئر کا بھی شاندار طریقے سے والہانہ استقبال کیا گیا ۔اس موقع پر ایسوسیشن کے فاؤنڈر پریسیڈنٹ صابر علی نے سابق صدر سمیر سوداگر کے دور میں تمام باہمی امدادی اور لوگوں کے لئے جو مدد کے کام کیے گئے تھے اس کو بتایا اور ان کا شکریہ ادا کیا اس پروگرام کو کامیاب بنانے میں نمایاں کردار ادا کرنے والے جدہ اورنگ آباد ایسوسی ایشن کے تمام کی کاوشوں سے اس پروگرام کو کامیابی سے ہمکنار کیا نظامت کے فرائض صابر علی نے انجام دیئے جبکہ اظہار تشکر بھائی افسر حسین نے ادا کیا ۔

یہ بھی پڑھیں : SC Dismisses Maha Govt Plea ڈیڑھ سو مسلم نوجوانوں کی نوکری برقرار، سپریم کورٹ نے مہاراشٹر حکومت کی اپیل خارج کی: گلزار اعظمی