Lumpy Virus Cases in MP مدھیہ پردیش میں لمپی وائرس سے 38 جانور ہلاک

author img

By

Published : Sep 16, 2022, 4:37 PM IST

Updated : Sep 16, 2022, 10:57 PM IST

ایم پی میں لمپی وائرس سے 38 جانور ہلاک

لمپی وائرس جانوروں کے لیے ایک مسئلہ بنا ہوا ہے۔ اس وائرس سے مدھیہ پردیش میں اب تک 38 جانور ہلاک ہوچکے ہیں۔ حالات کو دیکھتے ہوئے وزیر اعلیٰ شیوراج سنگھ چوہان نے پڑوسی ریاستوں سے آنے والے جانوروں کے داخلے پر پابندی لگانے کی بات کہی ہے۔ Lumpy Virus Cases in MP

بھوپال: مدھیہ پردیش میں لمپی وائرس جانوروں کے لیے ایک بڑا مسئلہ بنا ہوا ہے۔ اس وائرس سے اب تک 38 جانور ہلاک ہوچکے ہیں۔ حالات کو دیکھتے ہوئے وزیر اعلیٰ شیوراج سنگھ چوہان نے پڑوسی ریاستوں سے آنے والے جانوروں کے داخلے پر پابندی لگانے کی بات کہی ہے۔ Lumpy virus cases rise in Madhya Pradesh

ایم پی میں اس وائرس سے جانوروں کے بیمار ہونے کا مسلسل سلسلہ جاری ہے۔ ریاست میں اب تک تین ہزار 314 جانور وائرس سے متاثر ہیں۔ اس میں سے دو ہزار 742 صحت مند اور 38 کی موت ہوچکی ہے۔

جانوروں کو انفیکشن سے بچانے کے لیے اب تک ایک لاکھ 49 ہزار 530 ٹیکے لگائے گئے ہیں۔ ریاست میں ویکسین کافی مقدار میں دستیاب ہیں۔ بھنڈ، مورینا اور شیوپور میں لمپی وائرس کے کیس رپورٹ ہوئے ہیں۔ جس کے بعد وہاں ضروری انتظامات کئے جا رہے ہیں۔

چیف منسٹر چوہان نے لمپی وائرس کے اثرات اور اس سے نمٹنے کے لئے حکومتی سطح پر کی جارہی کوششوں کا جائزہ لینے کے لئے آج افسران کی میٹنگ طلب کی اور اس میٹنگ میں کہا کہ ریاست میں لمپی وائرس کی صورتحال پر مسلسل نظر رکھی جائے۔ اس کے پھیلاؤ کو روکنے کے لیے افسر ہر سطح پر ضروری اقدامات کریں۔ 38 animals die from lumpy virus in MP

مزید پڑھیں:

پڑوسی ریاستوں سے جانوروں کا داخلہ بند کیا جائے۔ انفیکشن سے بچنے کے لیے ضروری ویکسین کی کمی نہیں ہونی چاہیے۔ تمام اضلاع میں وائرس کی صورتحال کا مسلسل جائزہ لیا جائے اور احتیاطی تدابیر پر عمل درآمد کیا جائے۔

میٹنگ میں چیف منسٹر نے کہا کہ گاؤ سیوا یوجنا کے تحت انہیں نئی ​​تعمیر شدہ خالی گوشالا میں رکھ کر مناسب علاج کیا جائے۔ دیہی علاقوں کے گوپالک، گوپریمیوں کی مدد لی جائے۔ ضلع کے تمام ویٹرنری ڈاکٹروں کو الرٹ کیا جائے۔ اس کے ساتھ ہی جانوروں کو بچائے کے لئے ریاست میں بیداری مہم چلائی جائے۔

(آئی اے این ایس)

Last Updated :Sep 16, 2022, 10:57 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.