ریاست کرناٹک کے ضلع گلبرگہ شہر کے خواجہ بندہ نواز ایوان اردو انجمن کامپلکس میں کے اے ایس امتحان میں کامیابی حاصل کرنے والے اور دیگر شعبوں میں نمایاں کامیابی حاصل کرنے والے طلبہ کو انعامات و تہنیت سے نوازا گیا۔
اس موقع پر انجمن ترقی اردو ہند کے صدر امجد جاوید نے ای ٹی وی بھارت سے بات کرتے ہوئے کہا کہ ہر برس انجمن ترقی اردو ہند کی جانب سے نمایاں کامیابی حاصل کرنے والے طلبہ کی حوصلہ افزائی کرنے کے لیے اس طرح کے انعامات و تہنیت اجلاس منعقد کرکے انھیں اعزاز سے نوازا جاتا ہے۔
انہوں نے کہا کہ بہت ہی خوشی کی بات ہے کہ شہر گلبرگہ سے دو مسلم لڑکیاں کے اے ایس امتحان میں کامیابی حاصل کی ہے۔ جس میں ایک شاہین اختر صاحبہ، اور سیمہ فاروق ہیں۔ ان دونوں لڑکیوں کو شہر گلبرگہ کے تمام سیاسی ملی، سماجی رہنماؤں نے مبارکباد پیش کی۔
اس موقع پر شاہین اختر صاحبہ نے کہا کہ وہ ایک سرکاری ہائی اسکول میں خدمات انجام دے رہی ہیں۔ وہ اتنی مصروفیات میں بھی دن رات محنت کرتے ہوئے اس متحان میں کامیابی حاصل کی ہے۔ اسی طرح تمام طلبہ کو انھوں نے مشورہ دیا کہ اگر طلبہ اپنے مقصد کو پورا کرنے کے لیے دن رات محنت کریں گے تو وہ بھی اپنے مقصد میں کامیاب ہوسکتے ہیں۔
