بنگلور: وزیر اعلیٰ بسوراج بومائی کا ضلع کوپل دورہ کے دوران کیمپس فرنٹ کے کارکنان نے وزیر اعلیٰ کے خلاف زبردست احتجاج کیا اور انہیں کالے جھنڈے دکھائے جس کے بعد پولیس نے کیمپس فرنٹ کے سبھی کارکنان کو حراست میں لے لیا۔ Campus Front on Karnataka Govt
اس سلسلے میں کیمپس فرنٹ کرناٹک کے ایکٹیوسٹ سرفراز نے کہا کہ ریاست میں بی جے پی حکومت کی جانب سے سنگھ پریوار کے نظریہ سے اتفاق نہ رکھنے والوں کے ساتھ تعصب برتا جارہا ہے جس کی مخالفت میں انہوں نے وزیر اعلیٰ بومائی کے کوپل کے دورے کے دوران احتجاج کیا تھا جس کے نتیجے میں کیمپس فرنٹ کے کارکنان کو گرفتار کئے گئے اور ان پر نان-بیلبل سیکشن لگاکر جوڈیشل کسٹڑی بھیج دیا گیا۔
اس معاملے میں سرفراز نے کہا کہ وہ خاطی پولیس اہلکاروں کو بھی کورٹ میں گھسیٹیں گے اور کیمپس فرنٹ کے کارکنوں پر لگائے گئے جھوٹے کیسز کو واپس نہ لئے جانے پر پرزور احتجاج کریں گے۔
