حال ہی میں آل انڈیا مجلس اتحاد المسلمین گجرات کے چند عہدیداروں نے سوشل میڈیا پر پارٹی کی رکنیت سے استعفی دے دیا تھا، جس کے بعد آل انڈیا مجلس اتحاد المسلمین احمدآباد کی نئی باڈی عنقریب تشکیل دی جائے گی، اس معاملہ پر ایم آئی ایم کے احمد آباد کے صدر شریف خان نے تفصیلی روشنی ڈالی۔
MIM Workers Resign in Ahmedabad
دراصل شریف خان کو آل انڈیا مجلس اتحاد المسلمین گجرات نے دیڑھ ماہ قبل احمدآباد کے صدر کے طورپر منتخب کیاگیاتھا، جس کے چند ارکان نے استعفی دے دیا تھا،اس کے بعد مجلس اتحاد المسلمین گجرات کے نائب صدر شمشاد خان پٹھان نے اپنے عہدے سے استعفی دے دیا۔
وہیں اس معاملہ پر شریف خان پٹھان نے کہا کہ جب بھی کبھی پارٹی میں نئے صدر کا انتخاب کیاجاتاہے تب پرانی باڈی ختم ہوجاتی ہے، اس کے باوجود استعفیٰ دیئے گئے ہیں جو سمجھ سے بالاترہے۔
انہوں نے کہا کہ جب استعفی کا دور چلا اس کے بعد ہم نے ایک پریس نوٹ جاری کی کہ پہلے جو باڈی تشکیل دی گئی تھی وہ منسوخ ہوچکی ہے،اس کے باوجود استعفی کا ڈرامہ کیا گیا، اور آج تک ہمارے آفس پر پر کسی نے بھی باضابطہ طورپر استعفی نہیں دیا ،نہ ہی استعفی کا لیٹر آفس پر سو نپا گیاہے، بلکہ یہ استعفی سوشل میڈیا پر جاری رہا،ایم آئی ایم گجرات کوبدنام کرنے کی کوشش کی گئی.
مزید پڑھیں:گجرات بلدیاتی انتخابات: ایم آئی ایم کارکنان نے حمایت واپس لی
انہوں نے مزید کہا کہ 25 اپریل کو ہم نے باقاعدہ آل انڈیا مجلس اتحاد المسلمین احمد آباد کی نئی باڈی کا اعلان کیا، ہم نے وارڈ پرمکھ، شہر کے عہدیدار اور اور مختلف عہدیداروں کا اعلان کیا، باقی کا اعلان عید کے بعد کیا جائے گا اور آل انڈیا مجلس اتحادالمسلمین کی مکمل باڈی کا اعلان بھی عید بعد ہوگا۔
