جموں و کشمیر کے ضلع ڈوڈہ میں محمکہ جل شکتی نے پانی کے عالمی دن کے موقع پر ’’کیچ دی رین مہم‘‘ کا آغاز کیا گیا، اس موقع پر ضلع انتظامیہ ڈوڈہ نے کمیونٹی ہال ڈوڈہ میں ایک پروگرام کا بھی انعقاد کیا، جس کا افتتاح ڈی ڈی سی چیئرپرسن دھننتر سنگھ نے کیا۔
اس موقع پر ماہرین نے انسانی زندگیوں میں پانی کی اہمیت پر روشنی ڈالی اور بتایا کہ اگر پانی کا صحیح طریقے سے تحفظ نہیں کیا گیا تو انسانی وجود خطرے میں پڑجائے گا۔
ڈی سی ڈوڈہ نے بتایا کہ آج وزیر اعظم نریندر مودی نے پانی کے عالمی دن پر '’کیچ دی رین‘‘ کی مہم چلائی ہے جو ملک کے دیگر حصوں کی طرح ہی ضلع ڈوڈہ میں بھی جاری رہی گی، جس کے تحت ضلع میں پانی کے تحفظ کی کوششوں کو مزید مضبوط کیا جائے گا۔
ڈی سی وکاس شرما نے مزید کہا کہ ہمیں آنے والی نسلوں کے وجود کے لیے اپنے آبی وسائل کے تحفظ کے ساتھ ساتھ ضلع بھر میں روایتی آبی ذخائر کو بھی ترجیحی بنیادوں پر تحفظ فراہم کرنے کے لیے طویل المدت حکمت عملی مرتب کرنی ہوگی۔
ڈی سی ڈوڈہ نے متعلقہ محکموں سے کہا کہ وہ پنچائتوں کے ساتھ ہم آہنگی پیدا کرکے مہم کے مقاصد سے متعلق جامع منصوبے اور حکمت عملی مرتب کریں، اس کے علاوہ آئندہ مانسون سیزن میں بارش کے پانی کے تحفظ کے طریقہ کار کا جائزہ لینے کی بھی ہدایت کی۔
ڈی ڈی سی چیئرپرسن نے کہا کہ آبی وسائل کا مناسب انتظام اور پانی کی اہمیت کے بارے میں بھی لوگوں بیدار کیا جائے گا۔
