واشنگٹن : وزیر اعظم نریندر مودی نے امریکہ کی بڑی کمپنیوں کے چیف ایگزیکٹو افسروں سے ملاقات کے بعد کہا کہ انہوں نے بھارت میں سرمایہ کاری پر امریکی کاروباری رہنماؤں کے ساتھ تبادلہ خیال کیا۔
مودی نے ایک ٹویٹ میں کہا کہ بھارت میں سرمایہ پر سی ای او اور کاروباری رہنماؤں کے ساتھ وسیع بات چیت ہوئی۔ وہ بھارت کے اصلاحی راستے کی تعریف کر رہے تھے۔
واضح رہے کہ مودی نے آج کوالکام، بلیک اسٹون، فرسٹ سولر، ایڈوب اور جنرل ایٹمکس جیسی بڑی امریکی کمپنیوں کے سی ای اوز کے ساتھ الگ الگ میٹنگ کی۔
انہوں نے کہا کہ بھارت اور امریکہ کے درمیان قریبی معاشی تعلقات ہمارے ملک کے لوگوں کو فائدہ پہنچاتے ہیں۔ تجارتی دنیا کے رہنماؤں کے ساتھ اپنی بات چیت کے دوران مودی نے بھارت کی جانب سے پیش کردہ معاشی مواقع اور ان کی حکومت کی طرف سے کی گئی اصلاحات پر روشنی ڈالی۔
یہ بھی پڑھیں: مودی سے ملاقات کے دوران ہیرس نے پاکستان کوعسکریت پسندوں کا ٹھکانہ قرار دیا
کوالکام کے سی ای او کرسٹیانو امون کے ساتھ اپنی میٹنگ میں وزیر اعظم نے بھارت کے ٹیلی کام اور الیکٹرانکس سیکٹر میں سرمایہ کاری کے مواقع پر تبادلہ خیال کیا۔ اس میں الیکٹرانکس سس ٹم ڈیزائن اور مینوفیکچرنگ کے لئے حال ہی میں لانچ کی گئی پروڈکشن لنکڈ انسینٹیو اسکیم کے ساتھ ساتھ سمی کنڈکٹر سپلائی چین میں ترقی بھی شامل ہے۔
یواین آئی
