پریس کانفرنس میں منیش سیسودیا نے اطلاع دی کہ عام آدمی پارٹی کے وزراء اور دہلی کے وزیر اعلی 16 فروری کو صبح 10 بجے دہلی کے رام لیلا میدان میں حلف لیں گے۔
انہوں نے اس تقریب میں شرکت کرنے کے لیے دہلی کے دو کروڑ لوگوں کو دعوت دی ہے۔
اسی دوران منیش سیسودیا نے کہا کہ وہ بہت شکر گزار ہیں دہلی کی عوام کا جنہوں نے ان کی پارٹی کو دہلی میں تیسری دفعہ حکومت بنانے کے لیے واضح اکثریت دی۔
انہوں نے کہا کہ دہلی اسمبلی انتخابات کے نتائج سے یہ واضح ہو گیا کہ حب الوطنی، ہندو - مسلم کرنے کا نام نہیں ہے۔ حب الوطنی کا اصل مقصد عوام کو بنیادی سہولیات مہیا کرانا ہے انہیں سستی قیمت پر بجلی، پانی تعلیم اور صحت کے لیے خاطر خواہ اقدامات کرنا ہے۔
واضح رہے کہ دہلی کے نائب وزیراعلی منیش سیسودیا نے مسلسل تیسری دفعہ پٹپڑ گنج اسمبلی حلقہ سے جیت درج کی۔منیش سیسودیا کو اس انتخاب میں بھارتی جنتا پارٹی کے امیدوار رویندر نیگی سے سخت مقابلہ کا سامنا کرنا پڑا۔
