احمد آباد: ٹوکیو اولمپکس 2020 کی سلور میڈلسٹ ویٹ لفٹر میرا بائی چانو نے کلائی کی چوٹ سے صحت یاب ہو کر جمعہ کو 36 ویں نیشنل گیمزمیں طلائی تمغہ حاصل کیا۔ میرابائی نے اسنیچ میں 84 گلوگرام اور کلین اینڈ جرک میں 107 کلوگرام (کل 191 کلوگرام) کی بہترین کوشش کرکے ویمنزویٹ لفٹنگ 49 کلوگرام زمرے میں اپنا پہلا قومی کھیلوں کا طلائی تمغہ جیتا۔ Saikhom Mirabai Chanu wins Gold in National Games 2022
میرابائی کو منی پورکی ان کی ساتھی سنجیتا چانو نے کڑی ٹکر دی لیکن آخر کار سنجیتا کو کل 187 کلوگرام وزن کے ساتھ چاندی کے تمغے پر ہی اکتفاکرناپڑا۔ سنجیتا نے سات سال قبل منعقدہ نیشنل گیمز کے 48 کلوگرام زمرے میں طلائی تمغہ جیتا تھا جبکہ میرابائی نے چاندی کا تمغہ حاصل کیا تھا، تاہم میرا بائی نے یہاں پانسا پلٹ دیا۔
یہ بھی پڑھیں: National Games 2022 اتر پردیش نے نیشنل گیمز میں چار طلائی تمغہ جیتا
میرابائی نے جیت کے بعد کہا، ''منی پور کا پرچم بردار ہونا ایک قابل فخر لمحہ تھا۔ یہاں اپنا پہلا گولڈ میڈل جیت کر اچھا محسوس ہورہا ہے۔ حال ہی میں ٹریننگ کے دوران میری بائیں کلائی پر چوٹ لگی تھی، جس کے بعد میں نے دسمبر میں ورلڈ چیمپئن شپ سے پہلے اسے خطرے میں نہ ڈالنا بہترسمجھا۔
یو این آئی
