عالمی اولمپک ڈے 23 جون 1948 کو پہلی دفعہ منایا گیا تھا۔ اس وقت پرتگال، گریس، آسٹریا، کناڈا، سویٹزرلینڈ، گریٹ بریٹین، اوریگوے، وینزویلا اور بیلجیم نے اپنے اپنے ملکوں میں اولمپک ڈے کا اہتمام کیا تھا۔
دراصل آج ہی کے دن بین الاقوامی اولمپک کمیٹی (آئی او سی) قائم ہوئی۔ اس کے قیام کا سہرا فرانس کے پیرے ڈی کوبرتن کو جاتا ہے جن کی انتھک کوششوں سے 23 جون 1894 کو آئی او سی کا قیام عمل میں آیا۔
رواں برس عالمی اولمپک ڈے international Olympic day کا تھیم 'صحت مند رہیں، مضبوط رہیں، اولمپک ڈے ورک آؤٹ کے ساتھ ایکٹیو رہیں' ہے۔
بھارت نے اب تک اولمپک میں کل 28 میڈل جیتے ہیں جس میں نو گولڈ، سات سلور اور 11 برونز میڈلز شامل ہیں۔
آج اولمپک ڈے کے موقع پر ملک کی نمائندگی کرنے والے ایتھلیٹس کو یاد کرتے ہوئے وزیر اعظم نریندر مودی نے ان کی تعریف کی اور آئندہ دنوں میں ہونے والے ٹوکیو اولمپک میں حصہ لینے والے کھلاڑیوں کے لئے نیک خواہشات کا اظہار کیا۔
مزید پڑھیں:
بھارت کو اپنے اولمپک کھلاڑیوں کی شراکت پر فخر ہے: مودی
فی الحال ٹوکیو اولمپکس کی تیاریاں زوروں پر چل رہی ہیں۔ اس سال کے اولمپکس 23 جولائی سے شروع ہو رہے ہیں۔ بھارت کو اس اولمپکس سے بہت زیادہ امیدیں وابستہ ہیں۔ مرکزی وزارت کھیل کا بھی یہ کہنا ہے کہ بھارت اس بار بہتر کارکردگی کا مظاہرہ کرے گا۔
