رانچی: بھارتی کرکٹ کنٹرول بورڈ (بی سی سی آئی) کے سابق عہدیدار امیتابھ چودھری کا منگل کی صبح دل کا دورہ پڑنے سے انتقال ہوگیا۔ ذرائع نے بتایا کہ 62 سالہ چودھری صبح اپنی رہائش گاہ پر جا رہے تھے کہ انہیں دل کا دورہ پڑا۔ چودھری کو اس کے بعد رانچی کے ایک ہسپتال لے جایا گیا جہاں ڈاکٹروں نے انہیں مردہ قرار دیا۔ Former BCCI Acting Secretary Amitabh Chaudhary No More
سابق انڈین پولیس سروس (آئی پی ایس) افسر امیتابھ چودھری سنہ 2002 میں بی سی سی آئی کے رکن بنے تھے۔ انہوں نے سنہ 2005 میں اس وقت کے نائب وزیر اعلی سدیش مہتو کو شکست دے کر جھارکھنڈ اسٹیٹ کرکٹ ایسوسی ایشن کے صدر کا انتخاب بھی جیتا تھا۔ انہوں نے سنہ 2013 میں رضاکارانہ ریٹائرمنٹ لے لیا اور بھارتی ٹیم (2005-09) کے مینیجر اور بی سی سی آئی کے قائم مقام سیکرٹری کے طور پر خدمات انجام دینے کے بعد سیاست میں شامل ہو گئے۔ تاہم وہ سیاست میں کامیاب نہیں ہوئے اور انہیں جے وی ایم کے ٹکٹ پر رانچی سے انتخاب لڑتے ہوئے شکست کا سامنا کرنا پڑا۔
اس کے علاوہ مسٹر چودھری نے جھارکھنڈ پبلک سروس کمیشن (جے پی ایس سی) کے چیئرمین کے طور پر بھی خدمات انجام دیں اور حال ہی میں وہ اپنی ذمہ داریوں سے بری ہوئی تھے۔
مزید پڑھیں:
یو این آئی
