WIPL 2023 T20 Cricket Teams ویمنز آئی پی ایل کے لیے ٹیموں کا اعلان، بی سی سی آئی نے کمائے ہزاروں کروڑ

author img

By

Published : Jan 25, 2023, 4:21 PM IST

WIPL 2023 T20 Cricket Teams Auction: BCCI Earns RECORD Rs 4669 points 99 cr

بی سی سی آئی کے سکریٹری جے شاہ نے ٹویٹ کیا ہے کہ ویمنز آئی پی ایل کا آفیشل نام اب بدل کر ویمنز پریمیئر لیگ (ڈبلیو پی ایل) کر دیا گیا ہے۔ ڈبلیو پی ایل کی تمام 5 ٹیموں کی نیلامی مکمل ہوگئی ہے۔ WIPL 2023 T20 Cricket Teams Auction

نئی دہلی: ویمنز انڈین پریمیئر لیگ (WIPL) کا پہلا سیزن جلد شروع ہونے والا ہے۔ پہلے سیزن میں پانچ ٹیمیں ہوں گی۔ بورڈ آف کنٹرول فار کرکٹ ان انڈیا (بی سی سی آئی) نے ان پانچوں ٹیموں کو فروخت کر دیا ہے۔ بی سی سی آئی کو ویمنز انڈین پریمیئر لیگ کی ان پانچ ٹیموں سے 4669.99 کروڑ روپے ملے ہیں۔ بتادیں کہ بی سی سی آئی نے حال ہی میں ویمنز آئی پی ایل کے میڈیا رائٹس وائی کام 18 کو 950 کروڑ روپے میں بیچے ہیں۔ بی سی سی آئی کے سکریٹری جے شاہ نے ٹویٹ کرکے یہ جانکاری دی۔ انہوں نے اس سلسلے میں مسلسل تین ٹویٹس کیں، یہ بتاتے ہوئے کہ ویمنز آئی پی ایل کا آفیشل نام اب ویمنز پریمیئر لیگ (ڈبلیو پی ایل) میں تبدیل کر دیا گیا ہے۔

ویمنز پریمیئر لیگ کے پہلے سیزن میں داخل ہونے والی پانچ ٹیمیں ممبئی، احمد آباد، بنگلورو، لکھنؤ اور دہلی ہوں گی۔ اس میں سب سے زیادہ بولی احمد آباد کی ٹیم کے لیے لگائی گئی، جسے اڈانی گروپ نے لگایا ہے۔ اس کے بعد انڈیاون اسپورٹس نے ممبئی کی ٹیم کو دوسرے نمبر پر خرید لیا ہے۔

  • 𝐁𝐂𝐂𝐈 𝐚𝐧𝐧𝐨𝐮𝐧𝐜𝐞𝐬 𝐭𝐡𝐞 𝐬𝐮𝐜𝐜𝐞𝐬𝐬𝐟𝐮𝐥 𝐛𝐢𝐝𝐝𝐞𝐫𝐬 𝐟𝐨𝐫 𝐖𝐨𝐦𝐞𝐧’𝐬 𝐏𝐫𝐞𝐦𝐢𝐞𝐫 𝐋𝐞𝐚𝐠𝐮𝐞.

    The combined bid valuation is INR 4669.99 Cr

    A look at the Five franchises with ownership rights for #WPL pic.twitter.com/ryF7W1BvHH

    — BCCI (@BCCI) January 25, 2023 " class="align-text-top noRightClick twitterSection" data=" ">

حالانکہ بی سی سی آئی نے اب تک ویمنز پریمیئر لیگ کا شیڈول جاری نہیں کیا ہے، لیکن اگر رپورٹس پر یقین کیا جائے تو یہ ٹورنامنٹ رواں برس 4 سے 26 مارچ تک ہو سکتا ہے۔ اس سے قبل ویمنز آئی پی ایل کے حوالے سے کھلاڑیوں کی نیلامی بھی ہونی ہے۔ پہلے سیزن میں 22 میچز کا امکان ہے۔ یہ تمام میچ ممبئی کے بریبورن اسٹیڈیم اور ڈی وائی پاٹل اسٹیڈیم میں ہوسکتے ہیں۔ مردوں کے آئی پی ایل کے لیے وانکھیڑے اسٹیڈیم کو الگ رکھا جائے گا۔ یہ ٹورنامنٹ 31 مارچ سے یکم اپریل تک ہونے کا امکان ہے۔

خواتین کے آئی پی ایل کے پہلے سیزن میں پلیئرز پرس میں 12 کروڑ روپے ہوں گے۔ اس میں ہر برس بتدریج اضافہ ہوگا، جو کہ 5 برس بعد 18 کروڑ روپے بن جائے گا۔ دوسرے سیزن میں پرس 12 کروڑ روپے سے بڑھ کر 13.5 کروڑ روپے ہو جائے گا۔ اس کے بعد 2025 کے سیزن میں یہ 15 کروڑ روپے تک ہو جائے گا۔ 2026 کے سیزن میں یہ پلیئرز پرس بڑھ کر 16.5 کروڑ ہو جائے گا۔ جب کہ آخر کار پانچویں برس یعنی 2027 میں یہ پرس بڑھ کر 18 کروڑ روپے ہو جائے گا۔

خواتین کے آئی پی ایل میں کھلاڑیوں کے لیے انعامی رقم کے طور پر 10 کروڑ روپے مقرر کیے گئے ہیں۔ جب کہ چیمپئن ٹیم کو 6 کروڑ اور رنر اپ ٹیم کو 3 کروڑ روپے ملیں گے۔ تیسرے نمبر پر آنے والی ٹیم کو ایک کروڑ روپے دیے جائیں گے۔

مزید پڑھیں:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.