وہیں سابق نمبر ایک کے ٹسٹ بلے باز روٹ نے وراٹ کوہلی کو پیچھے چھوڑتے ہوئے اپنی پہلی اور دوسری اننگز کے بالترتیب 64 اور 109 رنز کے ساتھ بیٹنگ رینکنگ میں چوتھے نمبر پر پہنچ گئے ہیں۔ بمراہ نے میچ میں نو وکٹوں کے ساتھ 10 مقام کا اضافہ کیا ہے۔ وہ نویں نمبر پر پہنچ گئے ہے۔ بمراہ کے کیریئر کی بہترین رینکنگ تین ہے، جو ستمبر 2019 میں تھی۔
آئی سی سی کی جانب سے جاری کردہ ریلیز کے مطابق انگلینڈ کے فاسٹ بولر جیمز اینڈرسن ایک درجے ترقی کے ساتھ ساتویں، اولی رابنسن 22 درجے ترقی کے ساتھ 46 ویں اور بھارتی فاسٹ بولر شردول ٹھاکر 19 درجے ترقی کر 55 ویں نمبر پر آگئے ہیں۔
مزید پڑھیں: بھارت اور انگلینڈ ٹیم پر جرمانہ، میچ فیس کے ساتھ پوائنٹس بھی کاٹے گئے
دوسری جانب بھارتی آل راؤنڈر رویندر جڈیجہ تین اننگز میں پہلی اننگز میں نصف سنچری کے ساتھ بیٹس مینوں میں 36 ویں نمبر پر آگئے ہیں جبکہ اوپنر لوکیش راہل پہلی اور دوسری اننگ میں بالترتیب 84 اور 26 رنز بنانے کے بعد 56 ویں نمبر پر آگئے ہیں۔ انگلینڈ کے اوپنر ڈوم سیبلی بھی چار درجے ترقی کے ساتھ 52 ویں نمبر پر آگئے ہیں۔
یو این آئی
