احمدآباد: آئی سی سی ورلڈ کپ 2023 کے فائنل میچ میں آسٹریلیا کے کپتان پیٹ کمنس نے ٹاس جیت کر پہلے گیندبازی کا فیصلہ کیا ہے جس کا مطلب صاف ہے کہ بھارتی ٹیم پہلے بلے بازی کرے گی اور آسٹریلیا کو شکست دینے کے لیے بڑا اسکور کھڑا کرنا چاہے گی۔

آسٹریلیا کے کپتان پیٹ کمنز نے ٹاس جیتنے کے بعد کہا کہ ہمارے سامنے پہلے ایک ٹارگیٹ ہوگا، یہ ایک خشک پچ لگ رہی ہے اور رات میں اوس بھی پڑنے کا امکان ہے جس کی وجہ سے دوسری اننگز میں بلے بازی کرنا بہتر ہو جائے گا، اسی وجہ سے پہلے گیندبازی کرنے کا فیصلہ کیا گیا ہے۔ ٹورنامنٹ کا آغاز شکست سے ہوئی تھی لیکن اس کے بعد واقعی میں ہم سے ایک بھی غلطی نہیں ہوئی اور آج ہم فائنل میں ہیں۔

ٹاس کے وقت روہت شرما نے کہا کہ اگر میں ٹاس جیتتا تو پہلے بلے بازی ہی کرتا کیونکہ یہ ایک ایک اچھی پچ لگ رہی ہے۔ اس بڑے مقابلے میں اسکور بورڈ پر بڑا ہدف کرھنے کی کوشش کریں گے۔ جب بھی ہم یہاں کھیلتے ہیں تو ہجوم بڑی تعداد میں باہر آتا ہے۔ کرکٹ ایونٹ کا یہ سب سے بڑا موقع ہے۔ ہمیں اپنے اعصاب پر کنٹرول رکھنا ہے اور پرسکون رہنا ہے۔ فائنل میں ٹیم کی کپتانی کرنا ایک خواب کے سچ ہونے جیسا ہے۔ میں یہ بھی جانتا ہوں کہ ہمارے سامنے کونسی ٹیم ہے اور صحیح نتیجہ حاصل کرنے کے لیے ہمیں اچھا کھیلنا ہوگا اور آپ کو میدان میں صحیح فیصلے کرنے ہوں گے۔

ٹیم انڈیا کی پلیئنگ الیون: روہت شرما (کپتان)، شبمن گل، ویراٹ کوہلی، شریس ایئر، کے ایل راہل (وکٹ کیپر)، سوریہ کمار یادو، رویندرا جڈیجہ، محمد شامی، جسپریت بمراہ، کلدیپ یادو، محمد سراج

آسٹریلیائی ٹیم کی پلیئنگ الیون: ٹریوس ہیڈ، ڈیوڈ وارنر، مچل مارش، اسٹیون اسمتھ، مارنس لیبوشین، گلین میکسویل، جوش انگلس (وکٹ کیپر)، مچل اسٹارک، پیٹ کمنز (کپتان)، ایڈم زمپا، جوش ہیزل ووڈ

یہ بھی پڑھیں

• ورلڈ کپ فائنل میں دوسری مرتبہ بھارت اور آسٹریلیا آمنے سامنے