روس اور یوکرین کے درمیان 13ویں روز بھی جنگ جاری ہے۔ روس گزشتہ 13 دنوں سے یوکرین پر مسلسل میزائل حملے کر رہا ہے، اس حملے کے خلاف پوری دنیا روس کی مذمت کر رہی ہے۔ Leonardo Dicaprio Donates to Ukraine
روسی حملے میں یوکرین کو جان و مال کا بھاری نقصان ہوا ہے۔ ایسے میں عالمی سطح پر کچھ ممالک نے یوکرین کی مدد کی ہے۔ اس میں مشہور امریکی اداکار لیونارڈو ڈی کیپریو نے یوکرین کو بڑی مالی مدد دی ہے۔
یوکرینفارم کے مطابق ہالی ووڈ ک فلم 'ٹائی ٹینک' میں مرکزی اداکار ادا کرنے والے لیونارڈو ڈی کیپریو نے یوکرین کو 1کروڑ ملین ڈالر کی مالی مدد کی ہے ۔ واضح رہے کہ لیونارڈو کی دادی یوکرین کے شہر اوڈیسا کی رہائشی تھیں۔ اسی لیے لیونارڈو کو یوکرین سے خاص لگاؤ ہے۔ اس کے ساتھ ساتھ یوکرین کو اب تک عالمی بینک سے 720 ملین ڈالر کی امداد مل چکی ہے۔
رپورٹ کے مطابق لیونارڈو نے روسی حملے کے دوران یوکرین کی حکومت کو 1کروڑ ملین ڈالر منتقل کیے ہیں۔ رپورٹ میں مزید کہا گیا ہے کہ اداکار نے روس کے اس غیر انسانی فعل پر بھی تنقید کی ہے۔ واضح رہے کہ کئی مشہور شخصیات یوکرین کی مالی مدد کے لیے آگے آرہے ہیں۔
یوکرین کے صدر ولادیمیر زیلنسکی نے دنیا سے فوجی اور مالی امداد کا مطالبہ کیا ہے کیونکہ روس کے حملے سے ملک کو بھاری نقصان اٹھانا پڑا ہے۔
یوکرینفارم کی رپورٹ کے مطابق یوکرین کے نیشنل بینک نے یوکرین کی مسلح افواج کی مدد کے لیے ایک خصوصی اکاؤنٹ بنایا ہے، جس میں دنیا بھر سے مدد پہنچ رہی ہے۔
مزید پڑھیں: Urvashi Rautela on Ukraine Russia War: اروشی روتیلا کا یوکرین میں جنگ ختم کرنے کی اپیل
