امیزن ایک مشہور ای کامرس کمپنی ہے، جو بھارت میں کافی مقبول ہے۔ کمپنی نے بھارت میں امیزن ایئر سروس کی شروعات کی ہے۔ اس سے خریداروں کو تیزی سے ڈیلیوری حاصل ہوگی، ساتھ ہی کمپنی کے ٹرانسپورٹیشن نیٹ ورک کو بھی بڑھاوا ملے گا۔ اس کا سب سے بڑا فائدہ یہ ہوگا کہ صارفین کو سامان کی ڈیلیوری جلد مل جائے گی۔ ای کامرس سائٹ بوئنگ 737-800 طیارے کی پوری کارگو صلاحیت استعمال کرنا چاہتی ہے۔
کمپنی ممبئی، بنگلور، حیدرآباد اور دہلی میں ایئر ڈیلیوری کی سہولت فراہم کرے گی۔ اس کے لیے امیزن نے بنگلورو کی کارگو ایئر لائن کوئک جیٹ کے ساتھ شراکت داری کی ہے۔ اس شراکت داری کے ساتھ امیزن پہلی ای کامرس کمپنی بن گئی ہے جس نے تھرڈ پارٹی کیریئرز کے ساتھ شراکت داری کے لیے ڈیڈیکیٹڈ ایئر نیٹ ورک فراہم کیا ہے۔ کمپنی نے کہا کہ اس سروس سے ملک بھر میں 1.1 ملین سیلرز کو سپورٹ ملے گا۔
لانچ کے موقع پر کمپنی نے یہ بھی کہا کہ وہ مسلسل سرمایہ کاری کر رہی ہے۔ کمپنی ڈیلیوری انفراسٹرکچر میں سرمایہ کاری کرکے ڈیلیوری نیٹ ورک کو مضبوط کرنا چاہتی ہے۔ کمپنی نے مزید کہا کہ اس سروس سے سامان کی ڈیلیوری تیزی سے کی جائے گی۔ آپ کو بتاتے چلیں کہ امیزن ایئر کو تقریباً 6 سال قبل 2016 میں امریکہ میں لانچ کیا گیا تھا۔ اس وقت امیزن نے تقریبا تین درجن بوئنگ طیاروں کے ساتھ شراکت داری کی تھی۔ اس کے بعد برطانیہ میں بھی اس کا تجربہ کیا گیا۔
مزید پڑھیں:
بھارت میں امیزن کے ایئر کارگو طیارے کو پرائم ایئر کہا جاتا ہے۔ یہ کمپنی کی ایک الگ سروس ہے۔ اس کے ساتھ ڈرون کے ذریعے ڈیلیوری کی جاتی ہے۔ اس سروس کو ایسے موقع پر لانچ کیا گیا ہے، جب امیزن نے حال ہی میں اپنے تین کاروبار بند کیے ہیں۔
