تل ابیب: امریکہ نے کتائب سید الشہداء (کے ایس ایس ) اور اس کے سیکرٹری جنرل ہاشم فنیان رحیم السراجی کے خلاف نئی پابندیوں کا اعلان کرتے ہوئے انہیں 'خصوصی طور پر نامزد عالمی دہشت گرد' قرار دیا ہے۔ امریکی وزیر خارجہ انٹونی بلنکن نے ایک بیان میں کہا کہ " کے ایس ایس کی دہشت گردانہ سرگرمیوں نے عراق اور شام میں آئی ایس آئی ایس کے جنگجوؤں کو شکست دینے کے لیے امریکی اور عالمی اتحاد دونوں کی جانوں کو خطرے میں ڈال دیا ہے۔"

ٹائمز آف اسرائیل کے مطابق، امریکی محکمہ خزانہ نے ایران سے منسلک عسکریت پسند گروپ کتائب حزب اللہ (کے ایچ ) سے وابستہ چھ افراد پر بھی پابندیاں عائد کی ہیں۔ بلنکن نے کہا کہ "ایران، پاسداران انقلاب اسلامی اور قدس فورس کے نام سے جانی جانے والی اس کی بیرونی آپریشنز فورس کے ذریعے کے ایس ایس اور کے ایچ، اور ایران سے منسلک دیگر عسکریت پسند گروپوں کی تربیت، فنڈنگ اور جدید ترین ہتھیاروں کے ساتھ مدد کرتا رہا ہے۔ جس میں مہلک ہتھیار اور بغیر پائلٹ کے ہوائی جہاز بھی شامل ہیں"

یہ بھی پڑھیں: اسرائیل کے خلاف حق کی جنگ ہے جو اخلاقی اور شرعی ہے، حسن نصراللہ

امریکی وزیر خارجہ کے مطابق "کے ایس ایس، بعض اوقات امریکہ کی طرف سے نامزد کردہ دیگر تنظیموں کے ساتھ کام کرتا ہے، بشمول کے ایچ اور حرکت النجابہ، نے امریکی اہلکاروں کے خلاف حملوں کی منصوبہ بندی اور حمایت کی ہے۔" بلنکن نے مزید کہا کہ "ایران دنیا میں دہشت گردی کی سرپرستی کرنے والا سب سے بڑا ملک ہے۔ امریکہ دہشت گردی کے لیے ایران کی حمایت کا مقابلہ کرنے اور دہشت گردانہ حملے کرنے کے لیے ایران کے حمایت یافتہ گروہوں کی صلاحیت کو کم کرنے اور اس میں خلل ڈالنے کے لیے تمام دستیاب آلات استعمال کرنے کے لیے پرعزم ہے۔"