تہران: ایران کے جنوب مغربی شہر آبادان میں 10 منزلہ کمرشیل عمارت گرنے Building Collapse in Iran کے ملبے سے اب تک 32 لاشیں نکالی گئی ہیں۔ سرکاری خبر رساں ایجنسی IRNA نے پیر کو اطلاع دی۔ اس نے رپورٹ کیا کہ امدادی کارکنوں نے صوبہ خوزستان میں جائے وقوعہ سے ملبہ ہٹانے کا کام تیز کر دیا ہے تاکہ باقی پھنسے ہوئے افراد کو تلاش کیا جا سکے۔ لاپتہ افراد کی صحیح تعداد معلوم نہیں ہے، لیکن اندازہ لگایا گیا ہے کہ تقریباً 35 دیگر اب بھی کھنڈرات کے نیچے پھنسے ہوئے ہیں۔ ایرانی حکومت نے تباہی کے متاثرین کے اعزاز میں ملک گیر سوگ کا اعلان کیا۔
زیر تعمیر عمارت، جسے میٹروپول کے نام سے جانا جاتا ہے، شہر آبادان کی ایک پرہجوم سڑک پر تھی، جس کے چاروں طرف کمرشل اور میڈیکل کمپلیکس اور دفاتر تھے۔ عمارت کے کچھ حصے گزشتہ پیر کو اچانک منہدم ہو گئے جس سے درجنوں افراد ملبے کے نیچے دب گئے۔
