بھارت نیوزی لینڈ سیمی فائنل میچ کی خوبصورت جھلکیاں

نیوزی لینڈ اور بھارت کے درمیان کھیلے گئے سیمی فائنل میچ کو دیکھنے کے لیے فلمی دنیا کے ستارے اور فٹ بال کے سچن تندولکر سمجھے جانے والے ڈیوڈ بیکھم بھی وانکھڑے اسٹیڈیئم پہنچے تھے۔ اس دوران جہاں وہ لوگ میچ سے لطف اندوز ہوئے وہیں وہ دنیا کرکٹ کے نئے بادشاہ ویراٹ کوہلی کی 50ویں سنچری کے بھی گواہ بنے۔ ویراٹ ایسا کارنامہ انجام دینے والے دنیا کے پہلے بلے باز بن گئے ہیں اس سے پہلے یہ ریکارڈ سچن تندولکر کے نام تھا۔ نیوزی لینڈ کو شکست دے کر بھارت فائنل میں پہنچ گیا ہے، جہاں 19 نومبر کو اس کا مقابلہ جنوبی افرقہ اور آسٹریلیا میں سے جیتنے والی ٹیم سے ہوگا۔