Bhool Bhulaiyaa 2 Box Office Collection: فلم بھول بھولیا 2 ریلیز کے پہلے ہفتے باکس آفس پر جادو بکھیرنے میں کامیاب

author img

By

Published : May 23, 2022, 2:55 PM IST

فلم بھول بھولیا 2 ریلیز کے پہلے ہفتے باکس آفس پر جادو بکھیرنے میں کامیاب

کارتک آرین کی حال ہی میں ریلیز ہوئی فلم بھول بھولیا 2 ریلیز کے پہلے ہفتے باکس آفس پر اپنا جادو دکھانے میں کامیاب رہی۔ انیس بزمی کی ہدایتکاری میں بننے والی اس فلم نے باکس آفس پر اچھی شروعات کی ہے۔ Bhool Bhulaiyaa 2 Box Office Collection

ممبئی (مہاراشٹر): اداکار کارتک آرین اور کیارا اڈوانی کی ہارر کامیڈی فلم بھول بھولیا 2 نے تین دنوں میں 55.96 کروڑ روپے کی کمائی کی ہے۔ فلم میکرز نے یہ جانکاری دی ہے۔ پچھلے جمعہ کو ریلیز ہوئی یہ فلم اکشے کمار اور ودیا بالن کی سال 2007 میں اسی نام سے ریلیز ہوئی سائیکولوجیکل ہارر کامیڈی کا سیکوئل ہے۔ Bhool Bhulaiyaa 2 Box Office Collection

بھول بھولیا 2 نے ریلیز کے پہلے دن 14.11 کروڑ روپے کی کمائی کی۔ اس کے بعد سنیچر کے روز فلم نے 18.34 کروڑ روپے کی شاندار کمائی کی ۔ فلم نے اتوار کے روز 23.51 کروڑ روپے کی کمائی کی۔ فلم نے ابھی تک مجموعی طور پر 55.96 کروڑ روپےکی کمائی کی ہے۔

فلم کی کامیابی نے بالی ووڈ باکس آفس پر چھائے کالے بادل کو ہٹا دیا ہے۔ واضح رہے کہ اس سال صرف دو فلمیں ہی باکس آفس پر اپنا جادو بکھیرنے میں کامیاب ہوپائی ہیں، جس میں فروری میں ریلیز ہوئی عالیہ بھٹ کی فلم گنگوبائی کاٹھیاواڑی اور مارچ میں ریلیز ہوئی فلم دی کشمیر فائلز ہے۔ بھوشن کمار اور مراد کھیتانی کی پروڈیوس کردہ بھول بھولیا 2 کی ہدایتکاری انیس بزمی نے کی ہیں اور اس فلم میں تبو بھی اہم کردار میں ہیں۔

مزید پڑھیں:

Jug Jug Jiyo Trailer Launch: جب کرن جوہر کو دیکھ کر بھاگنے لگے انیل کپور، دیکھیں ویڈیو

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.