جموں: جموں خطہ میں مسلسل مہاراجہ ہری سنگھ کے یوم پیدائش پر تعطیل کی مانگ کئی برسوں سے سیاسی و سماجی حلقوں کی جانب سے کی جارہی تھی اور کئی بار جموں میں یووا راجپوت سبھا کی طرف سے اس ضمن میں احتجاجی ریلیاں نکالی گئیں۔ یووا راجپوت سبھا کارکنان اپنے صدر راجن سنگھ ہیپی کی قیادت میں توی پل پر مہاراجہ ہری سنگھ کے مجسمے کے سامنے جمع ہوئے اور بھوک ہڑتال شروع کردی۔ Demand For Leave On Maharaja Hari Singh's Birthday
راجپوت سبھا کے صدر ہیپی سنگھ نے کہا کہ ہم اپنے عظیم مہاراجہ کو خراج تحسین پیش کرنے کے طور پر عام تعطیل کے مطالبے پر حکومت کی طرف سے تشکیل دی گئی کمیٹی کا انجام نہیں جانتے، جس نے الحاق کے دستاویزات پر دستخط کر کے جموں و کشمیر کو بھارت کا تاج بنایا۔ ہم حکومت کو مہاراجہ کے یوم پیدائش پر 23 ستمبر کو تعطیل کے لیے اپنی آخری سانس تک لڑنے کے لیے تیار ہیں۔ انہوں نے کہا کہ یہ مطالبہ لوگوں کے جذبات سے جڑا ہوا ہے۔ انہوں نے کہا کہ ہم ہمیشہ اس مطالبہ کی حمایت میں یووا راجپوت سبھا کے ساتھ کندھے سے کندھا ملا کر کھڑے رہے ہیں۔ Yuva Rajput Sabha holds protest
واضح رہے کہ لیفٹیننٹ گورنر منوج سنہا نے ان کے دیرینہ مطالبہ پر غور کرنے کے لیے اس سال جنوری میں ایک چار رکنی کمیٹی تشکیل دی تھی تاہم آج تک مہاراجہ ہری سنگھ کے یوم پیدائش پر تعطیل کا اعلان کرنے کے سلسلے میں انتظامیہ نے کسی بھی طرح کا فیصلہ نہیں سنایا۔ Yuva Rajput Sabha protest in Jammu
یہ بھی پڑھیں: Demand For Leave On Maharaja Hari Singh's Birthday: مہاراجہ ہری سنگھ کے یوم پیدائش پر چھٹی کا مطالبہ
