مرکز کے زیر انتظام خطہ جمو ں و کشمیر کے ضلع بارہمولہ میں سکیوریٹی فورسیز اور عسکریت پسندوں کے درمیان تصادم جاری ہے، جموں و کشمیر پولیس زون کا کہنا ہے کہ بارہمولہ انکاؤنٹر میں ایک عسکریت پسند ہلاک جبکہ ایک پولیس اہلکار زخمی ہوئے ہیں۔
Encounter breaks out in J&K’s Baramulla
مارے گئے عسکریت پسند کی شناخت ارشاد احمد بھٹ کے طورپر کی گئی ہے،بتایاجارہا ہے کہ مارے گئے عسکریت پسند کا تعلق عسکریت پسند لشکر طیبہ سے تھا، زخمی پولیس اہلکار کی حالت مستحکم بتائی جارہی ہے، پولیس کا کہنا ہے "بارہمولہ کے وانیگام بالا گاؤں میں ایک عسکریت پنسد کی موجودگی کی اطلاع موصول ہونے کے بعد پولیس اور سکیوریٹی فورسیز نے مشترکہ طورپر سرچ آپریشن شروع کیا۔
بتایاجارہا ہے کہ سرچ آپریشن کے دوران جیسے ہی پولیس اور سکیوریٹی فورسیز مشتبہ مقام پر پہنچے وہاں پہلے سے موجود عسکریت پسندوں نے ان پر فائرنگ شروع کردی،جس کے جواب میں پولیس نے بھی فائرنگ کی، فائرنگ کے تبادلے میں دو فوجی جوان اور ایک پولیس اہلکار زخمی ہوئے، اور انہیں علاج کے لیے اسپتال منتقل کیا گیا جہاں ان کی حالت مستحکم ہے۔
پولیس نے کہا کہ انکاؤنٹر کے مقام سے ایک اے کے رائفل، تین میگزین، 30 راؤنڈ کارتوس برآمد کئے گئے ہیں۔
دیر گئے موصولہ اطلاعات کے مطابق اس تصادم میں فوج کے ساتھ کام کرنے والے ایک کتے کی بھی ہلاکت ہوئی ہے۔ فوج کے ایک ترجمان نے بتایا کہ ایکسل نامی یہ کتا گولیوں کے تبادلے میں زخمی ہوا جس کے بعد اسے علاج کیلئے انکاؤنٹر سائٹ سے علیحدہ کیا گیا لیکن وہ خون بہہ جانے کی وجہ سے ہلاک ہوگیا۔ فوج نے حیدر بیگ کیمپ میں اس کتے کی آخری رسومات اعزاز کے ساتھ ادا کرنے کا پروگرام بنایا ہے جسکے لئے نامہ نگاروں کو دعوت دی گئی ہے۔
مزید پڑھیں:Encounter in Baramulla: بارہمولہ تصادم میں تین عسکریت پسند اور ایک پولیس اہلکار ہلاک
