Muharram 2022: بمنہ میں جلوس عزاء کو سڑک کی خستہ حالی سے پریشانی کا سامنا

بڈگام : محرم الحرام سے قبل ایل جی انتظامیہ اور ضلع انتظامیہ بڈگام کے عہدیداروں نے ان علاقوں کا دورہ کیا جہاں مجلس حسینی اور جلوس عزاء برآمد ہوتے ہیں اور انتظامیہ نے یقین دلایا کہ عزاداروں کی سہولت کے لئے تمام تر انتظامات کئے جائیں گے۔

مقامی لوگوں کا کہنا ہے کہ بمنہ میں جلوس عزاء برآمد ہونے والے ہیں لیکن سڑک پر جمع کیچڑ میں کس طرح جلوس برآمد ہوگا۔ لوگ پریشان ہیں اور انتظامیہ کے خلاف ناراضگی کا اظہار کر رہے ہیں۔ واضح رہے گزشتہ ایک سال سے سڑک پر ڈرینیج کا کام جاری ہے اور لوگ لگاتار مشکلات سے دو چار ہیں اور کئی مرتبہ لوگوں نے کام سست رفتاری سے کرنے کے حوالے سے شکایت کی لیکن کوئی کاروائی نہیں ہوئی۔ Muharram procession

لوگوں کا کہنا ہے کہ مجلس میں جانے کے لئے وہ اس راستے سے چل بھی نہیں پا رہے ہیں۔ انہوں نے ایل جی سے اپیل کی کہ اس کی طرف توجہ دی جائے۔ انتظامیہ کو چاہئے کہ اس راستے کا کام جلد کروائے تاکہ عزاداروں کو کوئی مشکلات کا سامنا نہ کرنا پڑے۔ Muharram processions in Srinagar

واضح رہے کہ محرم الحرام کے مقدس ایام میں جلوس و عزاداری کے پش نظر ٹریفک پولیس نے 3 اگست سے 24 اگست تک شہر سرینگر کے مختلف رابطہ سڑکوں کیلئے ٹریفک ایڈوائزری جاری کی ہے۔ سینئر سُپرنٹنڈنٹ آف پولیس ٹریفک سٹی سرینگر مظفر احمد شاہ کی طرف سے جاری ایڈوائزری کے مطابق 3 اگست بمطابق 4 محرم عزاداری جلوس رعناواری سے حضرت بل روڑ پر برآمد ہوگا اور اسی روز لال چوک سے حضرت بل آنے والی گاڑیوں کو خانیار راستہ سے دستگیر صاحب اور چھٹی پادشاہی براستہ نوہٹہ۔حول، لال بازار سے حضرت بل اور صورہ کی طرف موڑا جائے گا۔ Muharram processions in Srinagar