مدھیہ پردیش اردو اکیڈمی نے اردو زبان کی فروغ اور بقا کے لیے ریاست میں اردو ہفتے کا اعلان کیا ہے، جس کے پیش نظر صنعتی شہر اندور کے الحراء پبلک اسکول میں اردو ہفتے کے تحت مختلف تقریبات کا انعقاد کیا گیا۔ ان پروگرامز میں طلبہ و طالبات نے بڑے جوش و جذبے کے ساتھ شرکت کی اور قرآت، حمد، نعت اور غزل کے مقابلہ جات میں حصہ لیا۔ اس دوران طالبات کو انعامات سے بھی نوازا گیا۔ آج اردو ہفتے کے پہلے دن طلبہ اپنے والدین کے ساتھ شریک ہوئے۔
مدھیہ پردیش اردو اکیڈمی ہر سال ضلع میں اردو زبان کو فروغ دینے کے لیے اردو ہفتے کا انعقاد کرتی ہے۔ ان تقریبات میں کامیاب طلبہ کو ادارے کی جانب سے انعامات دیے جاتے ہیں۔
وہیں بڑے پیمانے پر دارالحکومت بھوپال میں بھی اردو اکیڈمی کی جانب سے ریاستی سطح پر جلسے کا انعقاد کیا جاتا ہے اور کامیاب طلبہ کو انعامات سے نوازا جاتا ہے۔
مزید پڑھیں:۔ بھوپال: اردو اکیڈمی کے زیر اہتمام قومی سیمینار کا انعقاد
اندور کے الحراء پبلک اسکول گزشتہ کئی سالوں سے اردو زبان کے فروغ اور بقا کے لیے اردو ہفتے کا انعقاد کرتی آرہی ہے، جس سے لوگوں میں اردو سے دلچسپی بڑھ رہی ہے۔ اردو ہفتے کی تقریبات کی نظامت انشاء قریشی نے انجام دی۔
