تریپورہ کے وزیر اعلیٰ بپلب دیب نے اپنے عہدے سے استعفیٰ دے دیا ہے۔ انہوں نے اپنا استعفیٰ گورنر ستیہ دیو نارائن آریہ کو سونپ دیا ہے۔ جمعہ کو انہوں نے وزیر داخلہ امت شاہ سے ملاقات کی تھی جس کے بعد انہوں نے عہدہ چھوڑ دیا۔ اس کے ساتھ ہی بی جے پی لیجسلیچر پارٹی کی میٹنگ ہوگی، جس میں نئے وزیر اعلیٰ کے بارے میں بات چیت ہوگی۔Tripura CM Biplab Deb resigns from his post
واضح رہے کہ بپلب دیب نے 2018 میں تریپورہ کے وزیر اعلیٰ کا عہدہ سنبھالا تھا۔ بتایا جا رہا ہے کہ پارٹی میں ان کے خلاف ناراضگی تیزی سے بڑھ رہی تھی۔ اس کے ساتھ ہی ریاست میں اگلے سال اسمبلی انتخابات ہونے والے ہیں، اس لیے پارٹی کوئی خطرہ مول لینا نہیں چاہتی تھی۔ وہیں آج بپلب دیب نے اپنے عہدے سے استعفیٰ دے دیا ہے۔
یہ بھی پڑھیں: تریپورہ مسلم مخالف تشدد کے خلاف متعدد سماجی تنظیموں کا احتجاج
