کانگریس نے آر ایس ایس کے طرز پر ’جواہر بال منچ‘ شروع کیا

author img

By

Published : Sep 26, 2021, 10:09 PM IST

کانگریس نے آر ایس ایس کے 'بالاگوکلم' کی طرز پر جواہر بال منچ شروع کیا

پارٹی کو قومی سطح پر مضبوط بنانے کے علاوہ پارٹی کے سیکولر نظریے کو بڑھانے اور نئی نسل کو راغب کرنے کے لیے کانگریس نے قومی سطح پر 7 سے 17 سال کی عمر کے بچوں کا ایک شعبہ 'جواہر بال منچ' شروع کیا ہے۔ تاہم پارٹی کی کیرالا یونٹ گزشتہ 15 سالوں سے اس تنظیم کو چلا رہی ہے۔

راشٹریہ سویم سیوک سنگھ (آر ایس ایس) کے ساتھ نظریاتی جنگ کا مقابلہ کرنے کی ضرورت کو دیکھتے ہوئے کانگریس نے آر ایس ایس کے 'بالا گوکلم' کی طرز پر ’جواہر بال منچ‘ کا آغاز کیا ہے۔

کانگریس نے آر ایس ایس کے 'بالاگوکلم' کی طرز پر جواہر بال منچ شروع کیا
کانگریس نے آر ایس ایس کے 'بالاگوکلم' کی طرز پر جواہر بال منچ شروع کیا

پارٹی کو قومی سطح پر مضبوط بنانے اور پارٹی کے سیکولر نظریے کو بڑھانے کے لیے کانگریس نے نئی نسل کو راغب کرنے کے لیے قومی سطح پر 7 سے 17 سال کی عمر کے بچوں کے لیے ایک شعبہ 'جواہر بال منچ' شروع کیا ہے۔ تاہم پارٹی کی کیرلا یونٹ گزشتہ 15 سالوں سے یہ تنظیم چلا رہی ہے۔

کیرالہ کانگریس کے رہنما جی وی ہری کو جواہر بال منچ کا صدر مقرر کیا گیا ہے۔ اس معاملے پر جی وی ہری نے کہا کہ کیرالہ کانگریس گزشتہ 15 سالوں سے جواہر بال منچ چلا رہی ہے، جس کے ذریعے اب تک تقریبا 2.5 لاکھ بچوں کو تربیت دی جا چکی ہے۔ اس کی کامیابی کو دیکھتے ہوئے قومی سطح پر اس کی ضرورت محسوس کی گئی۔ کانگریس پارٹی کے سرکاری اعلان کے بعد اب جواہر بال منچ کے کیرالہ ماڈل کو پورے ملک میں بڑھایا جائے گا۔

بچوں کو کیمپوں، ورکشاپس، سیمینارز اور جسمانی تربیت کے ذریعے کانگریس کے نظریہ اور ملک کے لئے پارٹی کی شراکت کے بارے میں آگاہ اور تربیت دی جائے گی۔

یہ بھی پڑھیں: طوفان گلاب آدھی رات کو کلنگاپٹنم-گوپال پور سے ٹکرائے گا

جواہر بال منچ، آر ایس ایس کی تنظیم سے کیسے مختلف ہوگی، اس سوال کے جواب میں کانگریس لیڈر نے کہا کہ بنیادی فرق سیکولرازم کا ہے۔ کانگریس کے طلبہ ونگ این ایس یو آئی کے کیرالہ صدر کبھی اس پروگرام کا حصہ رہے تھے۔ وقت ہی بتائے گا کہ کانگریس کا جواہر بال منچ قومی سطح پر کس حد تک کامیاب ہوگا۔ بچے ایپ کے ذریعے اس مہم میں آن لائن شامل ہو سکتے ہیں۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.