آسٹریلیا میں منعقد ہونے والی 17 ممالک کی فضائی جنگی مشقوں میں حصہ لینے کے لیے جمعہ کو چار سخوئی-30 ایم کے آئی اور دوبھارتی فضائیہ کے سی-17 طیارے پہنچے۔ رائل آسٹریلین ایئر فورس کے زیر اہتمام تین ہفتے پر محیط یہ مشق ایک ایسے وقت میں ہو رہی ہے جب روس اور یوکرائن کی جنگ جاری ہے اور چین آبنائے تائیوان میں اپنی فوجی طاقت کا مظاہرہ کر رہا ہے۔اور امریکی ایوان نمائندگان کی سپیکر نینسی پیلوسی نے تائی پے کا دورہ کیا ہے۔
مزید پڑھیں:فضائیہ کا سی 17 طیارہ بھارتی ملازمین کے ساتھ کابل سے روانہ
فضائیہ نے کہا، ہندوستانی فضائیہ کا ایک بیڑا پچ بلیک مشق 2022 میں شرکت کے لیے آسٹریلیا پہنچ گیا ہے۔ یہ مشق ڈارون میں 19 اگست سے 8 ستمبر تک جاری رہے گی۔ بیان میں کہا گیا ہے کہ آئی اے ایف کے بیڑے کی قیادت گروپ کیپٹن وائی پی ایس نیگی کر رہے ہیں اور اس میں سو سے زیادہ ایئر مین شامل ہیں۔ اس میں چار سخوئی-30 MKI لڑاکا طیارے اور دو C-17 طیارے حصہ لیں گے۔
