اے پی ایس ای زیڈ اور جی پی ایل کے بورڈ آف ڈائریکٹرز نے اے پی ایس ای زیڈ میں جی پی ایل کے انضمام کی بھی منظوری دے دی ہے۔ اس انضمام کی طے شدہ تاریخ یکم اپریل 2021 ہے۔ اس پر این سی ایل ٹی کی منظوری ملنے کے بعد انضمام کا عمل 31 مارچ 2022 تک مکمل ہونے کی توقع ہے۔
اے پی ایس ای زیڈ کے سی ای او اور کل وقتی ڈائریکٹر کرن اڈانی نے کہا ’’ہم آندھرا پردیش کی صنعت کاری کو تیز کرنے کے لیے پرعزم ہیں۔ ملک میں تیزی سے ابھرتی ہوئی ریاستوں میں گنگورم ایک اہم بندرگاہ ہے۔ ہم جی پی ایل کی ترقی کے امکانات کے بارے میں بہت پرجوش ہیں۔یہ ہماری مشرقی ساحل کی توسیع کی حکمت عملی کو بھی مضبوطی فراہم کرے گا۔ جی پی ایل کا مقام ہمیں نئی منڈیوں تک رسائی حاصل کرنے میں مدد دے گا۔
یہ بھی پڑھیں:ملک میں ٹیلی فون صارفین کی تعداد 120 کروڑ سے تجاوز
واضح رہے کہ جی پی ایل 64 ایم ایم ٹی کی گنجائش والی ایک بڑی بندرگاہ ہے ، جسے حکومت آندھرا پردیش (جی او اے پی) کی رعایتی اسکیم کے تحت قائم کیا گیا ہے۔ یہ مشرقی، مغربی، جنوبی اور وسطی بھارت کی 8 ریاستوں تک پہنچنے کا گیٹ وے بھی ہے۔ یہ انضمام اے پی ایس ای زیڈکو نئی منڈیوں تک رسائی میں مدد گار ثابت ہوگا۔
یو این آئی
