ریاست مدھیہ پردیش میں کورونا وبا کے دوران نافذ لاک ڈاؤن سے یومیہ مزدور سے کافی متاثر ہوئے تھے۔ وہ روزگار کے ساتھ ساتھ شدید مالی بحران کا شکار بھی ہوگئے تھے۔ ان کے بچوں کی تعلیم بھی متاثر ہوگئی تھی۔
ایسے میں بھوپال کی مسلم ایجوکیشن اینڈ کیریئر پرموشن سوسائٹی نے مسلم بچوں کی تعلیم کے لیے کئی اہم اقدام کئے۔ تنظیم کے ذمہ داروں کا کہنا ہے کہ وہ ان ضرورت مند بچوں کی تعلیم کی ذمہ داری اٹھانے کو تیار ہیں جو کورونا کے دوران تعلیم سے محروم ہوگئے تھے۔
مزید پڑھیں:۔ 'لڑکیوں کی تعلیم پر خاص توجہ دیں تاکہ وہ قوم و ملت کا سرمایہ بنیں'
مسلم ایجوکیشن اینڈ کیریئر پرموشن سوسائٹی گزشتہ 35 سالوں سے ضرورت مند مسلم طالبات کو اسکالر شپ اور نصاب کی کتابیں فراہم کروا رہی ہے اور اب کورونا وبا کے بعد ان ضرورت مند طلبہ کی اسکول فیس اور دیگر ضروریات کو بھی پورا کرنے کی کوشش کرے گی تاکہ ان طالبات کی تعلیم میں کسی طرح کی بھی رکاوٹ پیدا نہ ہو۔
