یوکرین پر ہو رہے روسی حملوں سے جہاں دنیا میں دہشت کا ماحول پیدا ہو گیا ہے، وہیں ایسے میں ہندوستان کے ہزاروں طلباء بھی یوکرین کے مختلف شہروں میں پھنسے ہوئے ہیں۔ میرٹھ کے عظیم بھی انہیں طلباء میں سے ایک ہیں۔ روسی افواج کی طرف سے یوکرین کے کیئو شہر پر ہو رہی بمباری کے درمیان عظیم بھی اپنے ملک کی واپسی کے لیے سرحد کی طرف نکل پڑا۔
اس درمیان وہ اپنے والدین سے لگاتار فون پر بات کرتا رہا لیکن پچھلے تین دنوں سے عظیم کا میرٹھ میں اپنے والدین سے کسی طرح کا کوئی رابطہ نہیں ہونے سے میرٹھ میں اس کے اہل خانہ میں بے چینی پیدا ہوگئی تھی۔ اس درمیان کیئو میں بھاری تباہی کی خبروں نے ان کی بیچینی میں اضافہ کر دیا۔ ایسے میں عظیم کی سلامتی کی ان کے گھر پر دعائیں بھی کی جا رہی تھی لیکن آج صبح عظیم کا فون آنے پر اب عظیم کے والدین کے سانس میں سانس آئی اور وہ اپنے بچے کی واپسی کا بے صبری سے انتظار کر رہے ہیں۔ ایسے میں وہ دوسرے بچوں کے والدین سے بھی حکومت پر یقین رکھنے کے ساتھ خدا سے دعائیں کر نے کی بھی بات کہہ رہے ہیں۔
یہ بھی پڑھیں:
Indian Student Died in Ukraine: یوکرین میں بھارتی طالب علم ہلاک
یوکرین پر جس طرح سے روسی افواج حملے کر رہی ہے اس کو دیکھتے ہوئے کہا جا سکتا ہے کہ یوکرین میں پھنسے ہندوستانی طلباء کی بحفاظت واپسی ہی ملک میں اپنے بچوں کے لیے بڑھ رہی بیچینی کو دور کر سکتی ہے۔
