وادی میں گزشتہ شب سے سردی کی شدت میں کافی اضافہ ہوا ہے۔

ادھر آج وادی کے بیشتر علاقوں میں ہلکی برفباری ہو رہی ہے جس سے سردی میں مزید اضافہ ہو گیا ہے۔ اس سے عوام کو کئی مشکلات درپیش ہیں۔

واضح رہے کہ گذشتہ ایک ہفتے سے وادی میں درجہ حرارت میں اضافہ ہوا تھا اور موسم بھی خوشگوار تھا۔

نمائندے نے بتایا کہ بعد دوپہر ضلع کولگام کے کئی علاقوں میں برفباری شروع ہوئی، سیاحتی مقامات جیسے اہربل، گلمرگ اور کئی دیگر علاقوں میں بھی پھر سے برفباری شروع ہوئی ہے۔

وہیں جواہر ٹنل کے آر پار شدید برفباری ہونے کی وجہ سے قومی شاہراہ کو آمد و رفت کے لیے بند کردیا گیا۔