رامبن: جموں سرینگر قومی شاہراہ پر ناشری ٹنل کے قریب ایک منی بس سے (میٹاڈور) سے مشکوک چیز ( آئی ای ڈی) برآمد ہوئی ہے۔ ذرائع کے مطابق میٹاڈور زیر نمبر Jk06-0858 رامبن سے بٹوت کی جانب جارہا تھا۔
پولیس نے مصدقہ اطلاع ملتے ہی میٹاڈور گاڑی کو ناشری ٹنل کے قریب روک کر تلاشی لی۔ تلاشی کے دوران گاڑی سے مشکوک چیز آئی ای ڈی برآمد ہوئی ہے ۔پولیس نے اس سلسلے میں گاڑی کو تھانہ بٹوت منتقل کر دیا اور اس پر سوار مسافروں سے پوچھ گچھ شروع کی گئی ہے۔
وہیں پولیس نے آئی ای ڈی کو ناکارہ بنانے کے لیے بم ڈسپوزل ٹیم کو طلب کیا اور ٹیم نے کسی نقصان کے آئی ای ڈی کو ناکارہ بنا دیا۔ وہیں ایس ایس پی رامبن موہیتا شرما نے بتایا کہ پولیس کو آئی ای ڈی کی اطلاع ملی تھی جس کے بعد سکیورٹی فورسز نے ناکہ لگا کر گاڑیوں کی تلاشی شروع کی ہے۔
انہوں نے کہا کہ ایک منی بس میٹاڈور سے مشکوک چیز (آئی ای ڈی ) برآمد کی گئی ۔ آئی ای ڈی کوبم دسپوزیل ٹیم نے ناکارہ بنا دیا گیا اور سکیورٹی فورسز نے مستدی سے کام لیکر ایک بڑے حادثہ کو ٹال دیا ہے۔انہوں نے کہا کہ اس سلسلے میں کیس درج کیا گیا ہے اور مزید تفتیش شروع کر دی گئی ہے۔
مزید پڑھیں: Suspicious Object Recovered In Ramban رامبن میں ایک منی گاڑی سے مشکوک چیز برآمد
