اونتی پورہ: جموں وکشمیر اینٹی کرپشن بیورو (اے سی بی ) نے رولر ڈیولپمنٹ ڈپارٹمنٹ سب ڈویژن اونتی پورہ میں تعینات اسسٹنٹ انجینئر کو دو ہزار روپیہ کی رشوت لیتے ہوئے رنگے ہاتھوں گرفتار کیا ہے۔ACB Arrests RDD Engineer For Taking Bribe
اے سی بی کے ایک ترجمان نے بتایا کہ ایک شخص نے بیورو میں شکایت درج کی کہ سی ڈی آر کی رقم ریلیز کرنے کی خاطر اسسٹنٹ انجینئر مشتاق احمد نجار دو ہزار روپیہ کی رشوت طلب کر رہا ہے۔شکایت ملتے ہی اے سی بی نے اس ضمن میں ایف آئی آر زیر نمبر 13کے تحت کیس درج کرکے تحقیقات شروع کی ۔
ترجمان نے مزید بتایا کہ رشوت خور انجینئر کو پکڑنے کی خاطر اینٹی کرپشن بیورو نے ایک جال بچھایا جس کے دوران اسسٹنٹ انجینئر کو شکایت کنندہ سے دو ہزار روپیہ کی رشوت لیتے ہوئے رنگے ہاتھوں گرفتار کیا گیا۔
مزید پڑھیں:
انہوں نے بتایا کہ آزاد گواہوں کی موجودگی میں اسسٹنٹ انجینئر سے دو ہزار روپیہ کی رقم برآمد کرکے ضبط کی گئی۔اُن کے مطابق اس سلسلے میں مزید تحقیقات جاری ہے۔
