کشتواڑ: ایس ایس پی کشتواڑ شفقت حسین بھٹ نے آج کشتواڑ کے دچھن ڈنگ ڈورو کا دورہ کیا۔ جس کا مقصد ڈنگ ڈورو پکل ڈول پاور پروجیکٹ کا جو کام چل رہا ہے وہاں سیکوریٹی کا جائزہ لینا ضروری تھا۔ اس دوران پکل ڈول پاور پروجیکٹ کے صدر جوگیندر سیرو اور نائب صدر پی بی سندو، ڈپٹی جنرل منیجر اے ڈی ایس سمبیال اور طارق پرویز ایڈمنسٹریشن آفیسران کے ساتھ میٹنگ کی۔
اس موقع پر ایس ایچ او دچھن پولیس پوسٹ انچارج ڈنگ ڈورو موجود تھے۔ اس دوران ایس ایس پی کشتواڑ نے سیکورٹی فورسز کو ہدایت جاری کرتے ہوئے کہا کہ پاور پروجیکٹ میں چوکس و متحرک ہوکر ڈیوٹی کریں اور پاور پروجیکٹ مینیجمنٹ کو بھی ہدایت جاری کی کہ سیکوریٹی کو لیکر جو بھی مدد چاہیے، اس تعلق سے ہم سے رابطہ قائم کریں۔
