جموں صوبہ کے اکھنور علاقے میں جمعرات کو ایک منی بس الٹنے سے گاڑی میں سوار 30 مسافر زخمی ہو گئے۔
اطلاعات کے مطابق مسافرین کسی مذہبی مقام کی طرف جا رہے تھے جب منی بس اکھنور کے مقام پر ڈرائیور کے قابو سے باہر ہو کر الٹ گئی۔
حادثے میں 30 مسافرین زخمی ہو گئے جنہیں فوری طور سب ضلع اسپتال اکھنور پہنچایا گیا جہاں انہیں فوری طبی امداد فراہم کیے جانے کے بعد بعض شدید زخمیوں کو بہتر علاج کے لیے گورنمنٹ میڈیکل کالج جموں ریفر کیا گیا۔
اس حادثے میں کسی کے فوت ہونے کی اطلاع نہیں ہے۔ تاہم بعض زخمیوں کی حالت تشویشناک بنی ہوئی ہے۔
اس ضمن میں پولیس نے مقدمہ درج کر کے مزید کارروائی شروع کر دی ہے۔
