ضلع بارہمولہ میں بھی پیٹرول پمپز پر پیٹرول دستیاب نہیں ہونے کی وجہ سے لوگ کئی مشکلات سے دو چار ہو رہے ہیں۔

ہم نے مقامی لوگوں سے بات کی تو انہوں نے بتایا کہ ہم نے ہر پمپ پر جا کر دیکھا لیکن پیٹرول کہیں بھی نہیں مل رہا ہے۔

انہوں نے مزید بتایا کہ حکومت کو چاہیے کہ وہ وادی میں پیٹرول کی کمی کو دور کرے تاکہ لوگوں کو مشکلات کا سامنا نہ کرنا پرے۔

انہوں نے بتایا کہ پیٹرول اور ڈیزل کی قلت کی وجہ سے مریضوں کو علاج کے لیے ہسپتال لے جانے میں بھی دشواریوں کا سامنا کرنا پڑ رہا ہے۔

مقامی لوگوں نے گورنر انتظامیہ سے اس مسئلے کو جلد سے جلد حل کرنے کی اپیل کی ہے۔