جموں و کشمیر کے بانڈی پورہ میں کانگریس کی میٹنگ منعقد کی گئی۔ جس کی صدارت نائب صدر جموں و کشمیر نیشنل کانگریس محمد رفیق بٹ نے کی۔ میٹنگ میں پروفیسر محمد اسماعیل آشنا، بشارت احمد بہرو، محمد مظفر، فاروق احمد شیخ کے علاوہ دیگر متعدد کانگریس کارنان نے شرکت کی۔ Congress Party Meeting in Bandipora
اس موقع پر کانگریس کے دورے حکومت میں بانڈی پورہ ضلع میں کئے گئے اہم کاموں کو اجاگر کیا گیا۔ جب کہ کارکنان کو یہ یقین دلایا گیا ک کانگریس ہی ملک کی ایک ایسی پارٹی ہے، جو جموں وکشمیر کو ریاستی درجہ واپس دلانے کی قوت رکھتی ہے۔ اس موقع پر جموں وکشمیر انڈین نیشنل کانگریس کے نائب صدرمحمد رفیق میر نے کہا کہ راہل گاندھی کہ بھارت جوڑو یاترا بے حد کامیاب رہی ہے۔
وہیں موجودہ مرکزی حکومت پر نکتہ چینی کرتے ہوئے انہوں نے کہا کہ مرکزی حکومت نے ملک میں سیکولرازم اور آپسی بھائی چارے کو بے حد نقصان پہنچایا ہے۔ یہ پورے ملک کے لئے خطرناک عمل ہے۔ محمد رفیق بٹ نے میٹنگ کی تفصیلات دیتے ہوئے کہا کہ چند ایک سینیئر لیڈر کے چلے جانے سے کانگریس جیسی سمندر سے بھی بڑی پارٹی پر زیادہ فرق نہیں پڑتا۔
