بھارت جوڑو یاترا میں کچھ مناظر ایسے بھی دیکھنے کو ملے جو دیکھنے والوں کے لئے خاص توجہ کا مرکز بن گئے ،یاترا میں شامل کیرالہ کے سابق وزیر اعلی اومن چنڈے کے فرزند چانڈی مر نے یاترا میں ایک انوکھی مثال قائم کی ،انہوں نے ابھی تک کیرالہ سے کشمیر تک 3 ہزار سے زائد کلو میٹر کا سفر کامیابی سے طے کیا۔
چانڈی،پد یاترا کے دوران کشمیر کی ٹھنڈی شاہراہ پر ننگے پاؤں چلتے ہوئے نظر آئے،اس دوران وہ خاص توجہ کا مرکز بن گئے، ای ٹی وی بھارت سے بات کرتے ہوئے چانڈی مر نے کہا کہ انہوں نے کیرالہ میں راہل گاندھی کی یاترا میں شرکت کی تھی اور انہوں نے اس یاترا میں ابتدا سے ہی ننگے پاؤں چلنا شروع کیا،تب سے لے کر آج تک وہ مسلسل راہل گاندھی کے ساتھ پد یاترا میں ننگے پاؤں چل رہے ہیں ۔
انہوں نے کہا کہ یاترا کے شروعات سے ہی انہوں نے ابتداء سے آخر تک ننگے پاؤں چلنے کا قصد کیا تھا جس کو مکمل کرکے ہی رہیں گے، چانڈی نے کہا کہ سیاسی مفادات کی خاطر ملک کو مذہب کے نام پر بانٹنے کی کوشس کی گئی ،نفرتوں کی دیواریں کھڑی کی گئیں ،یہ پد یاترا نفرتوں کے دیواروں کو ختم کرے گی، اور یہ ملک کو جوڑنے میں کارگر ثابت ہوگی اسی جذبہ اور جنون کو لے کر انہوں نے ننگے پاؤں بھارت جوڑو یاترا میں شمولیت کی، وہ بلند حوصلوں کے ساتھ اس یاترا میں شامل ہوئے ہیں، یہی وجہ ہے کہ برفیلی سڑکوں پر ننگے پاؤں چلنے کے بعد بھی ان کے حوصلے پست نہیں ہوئے ۔
انہوں نے کہا کہ وہ یاترا کے اختتام کے بعد اپنے پاؤں میں جوتا پہنیں گے ۔واضح رہے کہ چانڈی مر یوتھ کانگریس آوٹ ریچ سیل کے چیئر مین بھی ہیں۔
مزید پڑھیں:Mehbooba and Ilteja Mufti Joins BJY: محبوبہ اور التجا مفتی بھارت جوڑو یاترا میں شامل