Bharat Jodo Yatra Anantnag to Srinagar بھارت جوڑو یاترا اننت ناگ سے سرینگر کی جانب روانہ

author img

By

Published : Jan 28, 2023, 9:12 AM IST

Updated : Jan 28, 2023, 11:12 AM IST

Etv Bharat

بھارت جوڑو یاترا اننت ناگ سے دوبارہ شروع ہوگی اور سرینگر کی جانب رواں دواں ہے۔ Bharat Jodo Yatra started from Anantnag to Srinagar

Bharat Jodo Yatra Anantnag to Srinagar
نمائندہ ای ٹی وی بھارت اشفاق احمد میر اننت ناگ سے بھارت جوڑو یاترا کے متعلق بتاتے ہوئے

اننت ناگ: بھارت جوڑو یاترا کل وادیٔ کشمیر میں داخل ہونے کے بعد بھارت جوڑو یاترا آج اننت ناگ سے دوبارہ شروع ہو گئی ہے۔ یاترا سرینگر کی جانب روانہ ہو چکی ہے۔ راہل گاندھی کی قیادت میں پد یاترا اونتی پورہ کے چرسو مقام تک جائے گی جہاں پی ڈی پی کی صدر محبوبہ مفتی ان کا استقبال کریں گی اور یاترا میں شمولیت اختیار کریں گی۔ وہیں پرینکا گاندھی کی شمولیت بھی متوقع ہے۔

یہ پد یاترا 27 جنوری کو بانہال سے شروع ہوئی تھی جہاں نیشنل کانفرنس کے عمر عبداللہ نے راہل گاندھی کے ساتھ یاترا میں شرکت کی تھی۔ یاترا نو یوگا ٹنل قاضی گنڈ کے ذریعے وادی میں داخل ہوئی تھی جہاں بڑی تعداد میں لوگ یاترا میں شرکت کرنے کے لیے موجود تھے۔ راہل گاندھی جب وہاں پر پہنچے تو انہوں نے اپنا ارادہ بدل کر پیدل سفر کرنا ترک کیا اور وہ گاڑیوں کے ذریعے اننت ناگ چلے گئے۔ انہوں نے میڈیا سے خطاب کے دوران سرکار پر سکیورٹی میں کوتاہی کا الزام لگایا۔

یہ بھی پڑھیں:

انہوں نے کہا کہ لوگوں کی بھیڑ بھاڑ کو قابو کرنے کے لیے پولیس کا کوئی بھی سپاہی وہاں پر موجود نہیں تھا جس کے بعد ان کی سکیورٹی نے انہیں پیدل یاترا سے منع کیا، بعد میں پولیس کا بیان سامنے آیا اور پولیس نے ان الزامات کو مسترد کرتے ہوئے کہا کہ سکیورٹی میں کوئی بھی لاپرواہی برتی نہیں گئی تھی، ان ہی لوگوں کو اس راستے کی طرف روانہ ہونے کی اجازت دی گئی تھی جنہیں یاترا انتظامیہ کی جانب سے با ضابطہ طور ہر نشاندہی کی گئی تھی اور انہیں بھی پوری تلاشی اور چیکنگ کے بعد آگے جانے کی اجازت دی گئی تھی۔ یاترا کا اگلا پڑھاؤ پانتھ چوک میں ہوگا اور 30 جنوری کو سرینگر میں ایک بڑی اختتامی تقریب کے ساتھ ہی بھارت جوڑو یاترا اختتام کو پہنچے گی۔

Last Updated :Jan 28, 2023, 11:12 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.