گیل نے چوتھے ون ڈے میں 162 رنز کی اننگز میں 14 چھکے لگائے۔ گیل کا ون ڈے کیریئر میں یہ دوسرا بڑا اسکور ہے۔
گیل نے اس سیریز میں اپنی دوسری سنچری لگائی اور اب تک اس سیریز میں تین اننگز میں 115.66 کی اوسط اور 120.6 کے اسٹرائک ریٹ کی بدولت 347 رنز بنائے ہیں۔
انگلینڈ کے خلاف سیریز میں بہترین کارکردگی کے بعد کرس گیل نے کہا کہ اگر ان کی فٹ نیس ان کا ساتھ دیتی ہے تو وہ سبکدوشی کے بارے میں دوبارہ غور کر سکتے ہیں اور اپنے کیریئر کو آگے بڑھا سکتے ہیں۔
یاد رہے گیل ون ڈے کرکٹ میں 10،000 رنز بنانے والے دنیا کے چوتھے اور ویسٹ انڈیز کے دوسرے بلے باز بن گئے ہیں۔
گیل سے پہلے برائن لارا واحد ویسٹ انڈیز کھلاڑی تھے جنہوں نے ون ڈے میں 10،000 رنز بنائے تھے۔
قابل ذکر ہے کہ قریب 10 دن پہلے ورلڈ کپ کے بعد ون ڈے کرکٹ سے ریٹائرمنٹ کا اعلان کرنے والے گیل انگلینڈ کے خلاف اب تک تین اننگز میں دو سنچری اور ایک نصف سنچری بنا چکے ہیں۔
گیل نے کہاکہ 'میرے خیال سے یہ ایک دلچسپ کھیل ہے۔ یہ کرکٹ کا ایک بہترین کھیل ہے۔ میں نے بہت سے ٹوئنٹی -20 میچ کھیلے ہیں اور مجھے لگتا تھا کہ دوبارہ 50 اوور کے کھیل میں واپسی کرنا مشکل ہے۔ لیکن جسم 50 اوور کی شکل میں عادی ہو جاتا ہے۔
دھماکہ خیز بلے باز گیل نے کہاکہ' میں اپنی فٹنس پر کافی کام کر رہا ہوں۔ چیزیں بہت تیزی سے بدلتی ہیں اور مجھے امید ہے کہ چند ماہ میں بہتر بنانے میں کامیاب رہوں گا ۔ ون ڈے میں 10،000 رن بنانا ایک خوشگوار تجربہ ہے۔ یہ میرے کیریئر کی شاندار کامیابی ہے۔ میں قریب 40 سال کا ہو چکا ہوں لیکن کیا میں ریٹائرمنٹ نہیں لے سکتا۔ دیکھتے ہیں۔ اس بارے میں آرام سے غور کروں گا'۔
