Indian-American Muslim Group Praises Ilhan Omar: بھارت مخالف قرارداد پیش کرنا قابل تعریف قدم، انڈین امریکن مسلم کونسل

author img

By

Published : Jun 24, 2022, 1:01 PM IST

Updated : Jun 24, 2022, 3:41 PM IST

Ilhan Omar

انڈین امریکن مسلم کونسل (IAMC) نے اقلیتوں بالخصوص مسلمانوں کے انسانی حقوق کی مبینہ خلاف ورزی پر بھارت مخالف قرارداد کی تعریف کی ہے۔ جس قرارداد میں یہ سفارش کی گئی ہے کہ بھارت کو بین الاقوامی مذہبی آزادی ایکٹ کے تحت خصوصی تشویش کے ملک میں ڈالا جائے۔

امریکہ میں مقیم مسلمانوں کی تنظیم انڈین امریکن مسلم کونسل (IAMC) نے ڈیموکریٹک پارٹی کے رکن پارلیمنٹ الہان ​​عمر کی جانب سے اقلیتوں بالخصوص مسلمانوں کے انسانی حقوق کی مبینہ خلاف ورزی کے الزام میں کانگریس (امریکی پارلیمنٹ) میں قرارداد پیش کرنے پر تعریف کی ہے۔ امریکی قانون سازوں راشدہ طالب اور جوآن ورگاس کے تعاون سے قرارداد میں محکمہ خارجہ پر زور دیا گیا ہے کہ وہ بین الاقوامی مذہبی آزادی پر امریکی کمیشن (یو ایس سی آئی آر ایف) کی سفارشات پر عمل درآمد کرے اور بین الاقوامی مذہبی آزادی ایکٹ کے تحت بھارت کو خصوصی تشویش کے ملک میں ڈالنے کا مطالبہ کیا گیا ہے۔

واضح رہے کہ اسٹیٹ ڈپارٹمنٹ USCIRF کی سفارشات پر عمل کرنے کا پابند نہیں ہے، اور کئی برسوں میں بہت سی انتظامیہ نے اس کی سفارشات پر بہت کم توجہ دی ہے۔ آئی اے ایم سی تنظیم کے صدر سید افضل علی نے کہا کہ 'یہ دیکھ کر افسوس ہوا کہ جس ملک سے ہم پیار کرتے ہیں وہ اپنے سب سے کمزور شہریوں کے ساتھ امتیازی سلوک کر رہا ہے اور تعصب، عدم برداشت کے راستے پر چل رہا ہے۔ تاہم، اس طرح کی قرارداد کے پاس ہونے کا امکان نہیں ہے، خاص طور پر رکن پارلیمان الہان عمر کے سخت موقف کے پیش نظر کیونکہ وہ کئی مواقع پر بھارت کے معاملے پر پاکستانی حکام کی کھل کر حمایت کر چکی ہیں۔

یہ بھی پڑھیں:

Anti India Resolution in Congress: امریکی قانون ساز الہان عمر نے کانگریس میں بھارت مخالف قرارداد پیش کی

الہان عمر کی قرارداد بھارت میں انسانی حقوق کی مبینہ خلاف ورزیوں اور مسلمانوں، عیسائیوں، سکھوں، دلتوں، قبائلیوں اور دیگر مذہبی اور ثقافتی اقلیتوں کو نشانہ بنانے سمیت بین الاقوامی مذہبی آزادی کی خلاف ورزیوں کی مذمت کرتی ہے۔ اس میں بھارت میں مذہبی اقلیتوں کے ساتھ 'برے سلوک' پر شدید تشویش کا اظہار کیا گیا ہے۔ قبل ازیں بھارت نے مذہبی آزادی پر امریکی محکمہ خارجہ کی رپورٹ کو مسترد کرتے ہوئے کہا تھا کہ یہ بدقسمتی کی بات ہے کہ بین الاقوامی تعلقات میں بھی ووٹ بینک کی سیاست کی جا رہی ہے۔

Last Updated :Jun 24, 2022, 3:41 PM IST

TAGGED:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.