پنجابی فلم انڈسٹری کی مقبول اداکارہ دلجیت کور نے جمعرات کی صبح آخری سانس لی۔ دلجیت کور طویل وقت سے بیمار تھیں۔ 69 سالہ اداکارہ نے پنجابی کے علاوہ ہندی فلموں میں بھی کام کیا ہے۔ وہ پت جٹاں دے، معاملہ گڑبڑ ہے، کی بنو دنیا دا، سرپنج اور پٹولہ جیسی کئی مقبول پنجابی فلموں میں مرکزی اداکارہ کا کردار ادا کیا ہے۔Daljeet Kaur Passes Away
دلجیت کور نے 10 سے زیادہ ہندی اور 70 سے زیادہ پنجابی فلموں میں کام کیا۔ دلجیت کور نے دہلی کے لیڈی شری رام کالج سے اپنی گریجویشن کی تعلیم حاصل کی۔ اپنی تعلیم مکمل کرنے کے بعد اداکارہ نے پونے فلم انسٹی ٹیوٹ سے اپنی اداکاری کے سفر کا آغاز کی۔ ان کی پہلی فلم داج سال 1976 میں ریلیز ہوئی۔ اپنے شوہر ہرمندر سنگھ دیول کی سڑک حادثے میں موت کے بعد انہوں نے فلموں میں کام کرنا چھوڑ دیا۔ ان کی کوئی اولاد نہیں تھی۔ سال 2001 میں وہ فلمی دنیا میں دوبارہ داخل ہوئیں اور اپنی عمر کے مطابق ماں اور دیگر کرداروں میں نظر آئیں۔ انہوں نے پنجابی فلم سنگھ ورسس کور میں گپی گریوال کی ماں کا کردار ادا کیا۔
اداکاری کے علاوہ دلجیت کبڈی اور ہاکی کی نیشنل کھلاڑی بھی رہ چکی ہیں۔دلجیت کور کے خاندان کا تعلق ضلع لدھیانہ کے گاؤں ایٹیانہ سے تھا، لیکن ان کی پیدائش سال 1953 میں مغربی بنگال کے سلی گوڑی میں ہوئی۔ کیونکہ ان کے خاندان کا کاروبار مغربی بنگال میں تھا۔ حالانکہ وہ گزشتہ 12 سالوں سے اپنے کزن ہرجندر سنگھ کھنگوڈا کے ساتھ قصبہ گروسر سدھار بازار میں رہ رہی تھی۔
