جنوبی ضلع اننت ناگ کے کوکرناگ کی تحصیل انتظامیہ کورونا کیسز Corona cases میں مسلسل اضافے کے باعث کافی متحرک ہوگئی ہے، جس کے نتیجے میں شعبہ نے کوکرناگ کے تمام داخلی رابطہ سڑکوں پر طبی عملوں کو تعینات کیا ہے، جو کوکرناگ آنے والے سبھی لوگوں کو باضابطہ طور پر ریپڈ انٹیجن ٹیسٹ Rapid Antigen Tests کرتے ہیں۔
انہوں نے عوام سے اپیل کی ہے کہ وہ اپنے گھروں میں ہی رہنے کو ترجیح دیں، غیر ضروری طور گھر سے باہر نہ نکلیں، اور انتظامیہ کی جانب سے جو بھی کووڈ 19 کے حوالے سے گائیڈ لائنز جاری ہوئی ہیں، اُن پر سختی سے عمل کریں تاکہ اس وبا سے نجات ملے۔
واضح رہے کہ جموں کشمیر میں حکومت کی جانب سے ویکینڈ لاک ڈاؤن کا اہتمام کیا گیا، جس کے سبب گزشتہ دو دنوں تک معمولات زندگی درہم برہم رہی۔ سبھی لوگ گھروں میں ہی رہے اور انتظامیہ کی جانب سے دی گئی گائیڈ لائن کی مکمل پاسداری کی۔
